O Pleno do Concello de Vigo, en sesión do día 28 de maio de 2001, adoptou o seguinte acordo:

Primeiro.-Aprobar inicialmente a modificación puntula número 18 do expediente de emenda de deficiencias do PXOU de Vigo, nas zonas afectadas polo trazado do primeiro cinto de circunvalación, comprendidas entre a avda. de Europa e a avda. Atlántida (expediente 5580/411), conforme a documentación redactada polos servicios municipais de planeamento urbanístico, a memoria do cal ten data do 5 de outubro de 2000.

Segundo.-Proceder ó trámite de información pública do expediente polo prazo dun mes, mediente anuncios

que se publicarán no Diario Oficial de Galicia, e nun xornal dos de maior circulación na provincia, conforme o establecido no artigo 42.1º da Lei 1/1997, do 24 de marzo, do solo de Galicia.

Terceiro.-Con anterioridade á aprobación definitiva do expediente, solicitarase informe preceptivo e vinculante do conselleiro de Política Territorial, Obras Públicas e Vivenda, dando traslado do expediente completo tramitado para que no prazo de tres meses se pronuncie sobre este. Igualmente e, toda vez que a presente modificación puntual afecta ó uso urbanístico das zonas verdes e espacios libres previstos no vixente PXOU de Vigo, solicitarase tamén informe da Comisión Superior de Urbanismo de Galicia.

O prazo de información pública entenderase aberto desde a primeira publicación, ata o mes contado desde o día seguinte ó da última publicación.

O expediente está ó dispor do público no Departamento de Información Urbanística da Xerencia de Úrbanismo (planta baixa do edificio da Xerencia).

O presente anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común, para tódolos propietarios e interesados directamente afectados que por resultaren descoñecidos ou ignorando o seu enderezo, non poidan ser notificados.

Vigo, 12 de xuño de 2001.

Lois Pérez Castrillo

Alcalde-presidente da Xerencia Municipal

de Urbanismo