Aprobados os pregos de cláusulas administrativas particulares para a contratación das obras de abastecemento de auga ó núcleo de Armesto e pavimentación dos accesos ó núcleo de poboación de Ferreirós de Valboa, exponse ó público polo prazo de oito
días hábiles para os efectos previstos polo artigo 122 do Real decreto lexislativo 781/1986, do 18 de abril.
De conformidade co establecido no artigo 122.2º do Real decreto lexislativo 781/1986, do 18 de abril, anúnciase simultaneamente co prego de condicións a licitación, aínda que esta se aprazará no suposto de producirse reclamacións contra os pregos, ata a súa resolución pola Corporación.
Por medio deste anuncio convócase concurso para a contratación das seguintes obras:
Obra Orzamento de contrata Prazo de execución Clasificación Lugar de execución
Abastecemento de auga ó núcleo de Armesto 8.245.000 ptas. 3 meses Non Becerreá
Pavimentación dos accesos ó núcleo de poboación de Ferreirós de Valboa 9.662.800 ptas. 3 meses Non Becerreá
1. Entidade adxudicadora: concello de Becerreá.
2. Obxecto do contrato: a execución das obras sinaladas ó comezo do anuncio.
3. Tramitación, procedemento e forma de adxudicación.
a) Tramitación: urxente.
b) Procedemento: aberto.
c) Forma: concurso.
4. Orzamento base de licitación: o que se sinala ó comezo do anuncio.
5. Garantía definitiva: 4% do importe de adxudicación.
6. Obtención de documentación e información.
Concello de Becerreá, avenida de Madrid nº 2, código postal 27640. Becerreá (Lugo). Teléfono 982 36 00 04.
7. Requisitos específicos do contratista.
Clasificación: non se esixe.
Solvencia económico-financeira e técnica: acreditarase de conformidade co establecido na cláusula 7.1 e 7.2 do prego.
8. Presentación de ofertas.
a) Data límite de presentación: décimo terceiro día natural seguinte ó da publicación deste anuncio no BOP de Lugo e no Diario Oficial de Galicia, tomando como día para o inicio do prazo o seguinte ó da última publicación.
b) Documentación que hai que presentar:
As proposicións presentaranse en dous sobres cerrados.
Sobre A, subtitulado «Oferta económica», que deberá formularse conforme o modelo que figura como anexo II do prego.
Sobre B, subtitulado «Personalidade xurídica», conterá a documentación sinalada na cláusula 11.2 do prego de condicións.
Lugar de presentación: Concello de Becerreá; avda. de Madrid nº 2.
O prazo en que o licitador estará obrigado a mante-la oferta: un mes desde que remate o prazo de presentación.
c) Admisión de variantes: admítense a formulación de variantes en relación cos proxectos aprobados, tanto cualitativas como cuantitativas. Estas melloras deberán ofertarse segundo se establece na cláusula 11.1 b) e d) do prego.
9. Apertura de plicas: no salón de sesións da Casa do Concello de Becerreá, ás doce horas do terceiro día hábil seguinte ó do remate do prazo de presentación de proposicións.
10. Gastos de anuncios: serán por conta do adxudicatario tódolos gastos que por este motivo se devenguen.
Becerreá, 12 de xullo de 2001.
Ramón Núñez Fontal
Alcalde en funcións