De conformidade coa base común 7.1 da Orde do 8 de marzo de 2001 pola que se convocaban procedementos selectivos de ingreso e acceso ó corpo de profesores de ensino secundario e profesores técnicos de formación profesional establece que a valoración dos méritos presentados polos aspirantes será efectuada, en nome dos tribunais, por unha comisión integrada por funcionarios da Consellería de Educación e Ordenación Universitaria. Publicada a lista provisional e resoltas as reclamacións, procede darlle publicidade ó baremo definitivo.
En consecuencia, esta dirección xeral
DISPÓN:
Primeiro.-Facer pública na Consellería de Eduación e Ordenación Universitaria e nas delegacións provinciais, a partir do día 19 de xullo de 2001, as puntuacións definitivas dos baremos establecidos na Orde do 8 de marzo de 2001 dos corpos e disciplinas convocadas pola citada orde.
Segundo.-Contra estas puntuacións poderá interpoñerse recurso de alzada, no prazo dun mes, contado desde o día seguinte ó da súa publicación, ante o conselleiro de Educación e Ordenación Universitaria.
Santiago de Compostela, 13 de xullo de 2001.
Jaime García García
Director xeral de Persoal