O pintor Rafael Romero Masiá acordou ofrece-la doazón ó Servicio Galego de Saúde da Comunidade Autónoma de Galicia do cadro Amanecer a la Vida, con destino á Escola Camilo José Cela, que depende do Complexo Hospitalario Universitario de Santiago de Compostela.
Conforme o artigo 17.1º da Lei 3/1985, do 12 de abril, do patrimonio da Comunidade Autónoma, requírese decreto do Consello da Xunta de Galicia para a adquisición de bens a título gratuíto.
En cumprimento do disposto na Lei 3/1985, do 12 de abril, do patrimonio da Comunidade Autónoma, de conformidade coa proposta do conselleiro de Sanidade e Servicios Sociais e presidente do Servicio Galego de Saúde, e logo de deliberación do Consello da Xunta de Galicia na súa reunión do día vintenove de xuño de dous mil un
DISPOÑO:
Artigo primeiro.-Acéptase a doazón do cadro Amanecer a la Vida do pintor Rafael Romero Masía xunto cos dereitos de propiedade intelectual excepto, o moral do autor.
Artigo segundo.-O cadro acéptase segundo o establecido na normativa en materia patrimonial da Comunidade Autonoma e destinarase á Escola Camilo José Cela do Complexo Hospitalario Universitario de Santiago de Compostela, de acordo coa vontade do doador.
Disposición derradeira
O Servicio Galego de Saúde, a través do seu órgano competente, levará a cabo os trámites necesarios para a efectividade de canto se dispón neste decreto.
Santiago de Compostela, vintenove de xuño de dous mil un.
Manuel Fraga Iribarne
Presidente
José María Hernández Cochón
Conselleiro de Sanidade e Servicios Sociais