A Compañía de Radio-Televisión de Galicia fai solicitude pública de ofertas para o seguinte expediente de concurso:
Nº de expediente: 01241C.
Obxecto da contratación: realización dun programa informático para a xestión da planificación dos recursos humanos da producción de TVG, S.A.
Pregos de condicións: poderán ser examinados e recollidos polos interesados en días e horas de oficina (de 8 a 14 horas, días laborables) no Servicio Común de Compras da Compañía de Radio-Televisión de Galicia, sita no centro emisor de San Marcos, Santiago de Compostela.
Prazo de presentación de ofertas: o prazo para a presentación das proposicións será de quince (15) días naturais contados a partir do día seguinte ó da publicación do anuncio no Diario Oficial de Galicia. As proposicións presentaranse no rexistro xeral da CRTVG en horario de 8 a 14 horas, días laborables.
(Os gastos que orixine a publicación deste anuncio serán por conta do adxudicatario).
Santiago de Compostela, 5 de xullo de 2001.
Manuel Vázquez Vieites
Director xerente económico-administrativo