Anúnciase que a Comisión Municipal de Goberno, en sesión ordinaria do día 7 de xuño de 2000, adoptou, entre outros, o seguinte acordo:
1. Estima-la alegación presentada por Francisco Pérez Saa, en representación de José Figueiras González e Dino Alonso Doval, no sentido de declarar como litixioso o predio achegado con referencia
catastral 2695050, desestimando integramente o escrito do 13 de marzo de 2001. Todo iso baseado no informe do Servicio de Planeamento e Xestión Urbanística do 6 de xuño de 2001, que se trasladará ós interesados para os efectos de motivación.
2. Aprobar definitivamente, por pedimento de Promociones y Construcciones Cotoriño, S.L., en representación da comisión xestora da zona 9 B do SU-32 do PXOU de Ourense, os estatutos e bases de actuación para a xunta de compensación do dito ámbito, que se vai constituír para a xestión urbanística do dito polígono E.
3. Aprobar definitivamente, por pedimento de Promociones y Construcciones Cotoriño, S.L. en representación da comisión xestora da zona 9 B do SU-32 do PXOU de Ourense, o proxecto de compensación do dito ámbito de xestión urbanística.
A Comisión Municipal de Goberno, en sesión ordinaria do día 14 de xuño de 2001, adoptou, entre outros, o seguinte acordo:
1. Nomear a Ricardo Campo Labrador, concelleiro delegado de Urbanismo deste concello, como representante do concello na xunta de compensación da zona 9 B do SU-32 do PXOU de Ourense.
2. Requeri-la comisión xestora para que proceda a constituí-la xunta de compensación dentro do prazo previsto no artigo 133.5º da Lei de Galicia 1/1997.
O que se fai público de conformidade co disposto no artigo 141.4º do Regulamento de planeamento.
Ourense, 22 de xuño de 2001.
Manuel Jaime Cabezas Enríquez
Alcalde-presidente