De conformidade co disposto no artigo 42.1º da Lei 1/1997, do 24 de marzo, do solo de Galicia, procédese a publicar este acordo, indicándose expresamente que durante un mes, contado desde o día seguinte ó da inserción deste anuncio no DOG estará exposto ó público o dito expediente na Secretaría do concello para ser examinado e presentar se é o caso.
6. Expediente do Plan parcial Aeral-1.
(Non se transcribe a parte expositiva).
Considerando que a competencia desta aprobación inicial lle corresponde á Comisión de Goberno por delegación da Alcaldía do 12 de xullo de 1999.
Vistos os artigos 42.1º, 42.6º e 46 da Lei 1/1997, do 24 de marzo, do solo de Galicia así como preceptos concordantes desta norma e do resto da normativa aplicable.
A Comisión de Goberno, por unanimidade dos seus membros, acordou:
Primeiro.-Aprobar inicialmente o Plan parcial do Areal-1, de iniciativa particular de Erosmer Ibérica, S.A., redactado polo arquitecto José Enrique Pérez Ardá Criado, con data de marzo de 2000, e cos documentos que forman parte del, así como o plan de tráfico que se xunta, coas modificacións que resultan do escrito de alegacións do 15 de xuño de 2001, e o documento de emenda de deficiencias con data de xuño de 2001.
Segundo.-Expoñer ó público o dito expediente polo prazo dun mes, contado desde o seguinte ó da inserción deste anuncio no DOG; publicarase tamén nun xornal de ámbito provincial polo menos, para que durante esta poida ser examinado e presenta-las alegacións ou reclamacións que se consideren convenientes.
Terceiro.-Suspende-lo outorgamento de licencias urbanísticas en todo o ámbito de actuación do Plan parcial Areal-1.
Cuarto.-Este acordo notificaráselles ós donos de propiedades afectadas polo ámbito de actuación do Plan parcial Areal-1, e ás demais entidades que conforme a normativa vixente procede.
Lalín, 25 de xuño de 2001.
Xosé Crespo Iglesias
Alcalde-presidente