Transcorridos máis de dous anos sen que se producise o rescate de diversos artigos de pesca (canas e carretes) que foron comisados en cumprimento do establecido no artigo 108 do vixente Regulamento
de ordenación da pesca fluvial e dos ecosistemas acuáticos continentais, esta dirección xeral resolve, de acordo co establecido no punto 3 do devandito artigo, autoriza-la poxa pública deles.
Entre os días 9 e 12 de xullo estes artigos de pesca estarán expostos en locais da policía autonómica de cada unha das catro provincias:
A Coruña: Ronda de Nelle, 24.
Lugo: Ronda de Fingoi, esquina avda. de Madrid.
Ourense: Nosa Señora de Saínza, 6 baixo.
Pontevedra: San Xosé, 4.
Cada un deles aparecerá identificado cunha etiqueta na que conste, sen lugar a dúbidas, o artigo: cana (CN) ou carrete (CR) e un número determinado.
Ó remate do prazo e con presencia da Inteverción Delegada provincial procederase á adxudicación.
Durante ós días de exposición ó público, os visitantes terán á súa disposición un número suficiente de papeletas e sobres para ofertar na poxa. Os interesados en participar deberán cubrir unha papeleta para cada un dos artigos que lles interese, indicando nome, apelidos, DNI, enderezo postal e importe que está disposto a pagar polo artigo do seu interese.
Estes sobres quedarán baixo a custodia ata o día da súa apertura ante a Interveción Delegada e o xefe do Servicio Provincial de Medio Ambiente Natural. Unha vez clasificadas, adxudicarase cada artigo ó mellor licitador e levantarase acta do reconto e da adxudicación.
Unha copia dela expoñerase nos taboleiros de anuncios do servicio provincial e da sede da Policía autonómica na que se realiza a exposición ó público.
Santiago de Compostela, 19 de xuño de 2001.
Tomás Fernández-Couto Juanas
Director xeral de Montes e Medio
Ambiente Natural