En cumprimento da resolución da Alcaldía, do 1-6-2001, e do disposto nos artigos 78 do Real decreto lexislativo 2/2000, do 16 de xuño, do texto refundido da Lei de contratos das administracións públicas e 326 da Lei 7/1997, do 22 de xullo, da Administración local de Galicia, faise pública a licitación do seguinte contrato de obra.
1. Obxecto: redes de saneamento na Faxarda.
2. Tramitación: ordinaria.
3. Procedemento: aberto.
4. Sistema de adxudicación: poxa.
5. Prezo e financiamento: once millóns (11.000.000 de pesetas, equivalentes a 66.111,33 euros) IVE incluído, con cargo á partida orzamentaria 2001/512-601.
6. Prazo de execución: catro meses.
7. Período de garantía: un ano.
8. Fianza provisional: excluída.
9. Fianza definitiva: 4% importe adxudicación.
10. Clasificación: como empresa de obras, grupo E, subgrupo 1, categoría c), non obrigatoria.
11. Presentación de ofertas: durante os 26 días naturais seguintes ó da publicación deste anuncio no DOG, cos requisitos do artigo 8 do prego de condicións, presentándoas no rexistro do concello ou remitíndoas por correo, comunicándoo, neste caso mediante telegrama ou fax.
O prego de condicións económico-administrativas particulares está á disposición de tódolos contratistas interesados nas oficinas xerais do Concello de Ribadeo, pza. de España nº 1, 27700 Ribadeo-Lugo; teléfono 982 12 86 50, fax 982 13 09 75, horario de atención ó público das 9 ás 14 horas de luns a venres.
12. Modelo de proposición.
Don/Dona..... veciño/a de....., con enderezo en..... titular do DNI ....., en nome propio (ou en representación de....., conforme acredito con poder verificado na súa suficiencia), informado/a da poxa tramitada polo Concello de Ribadeo para a adxudicación, mediante procedemento aberto, das obras de saneamento na Faxarda, manifesta o coñecemento e conformidade cos pregos de condicións económico-administrativas particulares e de prescricións técnicas, e comprométese a executalas na forma determinada nos citados pregos por un prezo de..... pesetas. (En letra e número).
13. Apertura de proposicións: será realizada pola mesa de contratación en acto público, segundo a cláusula 11 do prego, dentro dos 10 días seguintes
ó de remate do prazo de presentación de ofertas logo de convocatoria ós licitadores.
Ribadeo, 1 de xuño de 2001.
José Carlos Rodríguez Andina
Alcalde