De conformidade co disposto polo artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, modificado pola Lei 4/1999, do 13 de xaneiro, notifícaselles ós herdeiros de Amalia Sequeiros Valverde resolución de contrato, dictada polo delegado provincial da Consellería de Política Territorial, Obras Públicas e Vivenda, con data do 5 de marzo de 2001, ó abeiro do disposto no Decreto 70/1997, do 14 de marzo, de estructura orgánica do IGVS (modificado polo Decreto 258/1999, do 17 de setembro), que literalmente di:

«Á vista das actuacións practicadas no expediente de desafiuzamento administrativo tramitado contra Amalia Sequeiros Valverde, por incumprimento do contrato de arrendamento da vivenda en canto á falta de pagamento das cotas.

Tendo en conta os seguintes feitos:

1. Por acordo da Comisión Provincial de Vivenda, en sesión que tivo lugar día 2 de xuño de 1987, procedeuse á adxudicación, a Amalia Sequeiros Valverde, da vivenda de protección oficial de promoción pública, en réxime de aluguer, situada na rúa Gregorio Espino número 71, piso baixo H, en Vigo, identificada con número de conta 59, do expediente PO-83/510.

2. Con data do 8-2-1999 iniciouse contra a adxudicataria expediente de resolución de contrato e desafiuzamento administrativo, por incumprimento do contrato en canto á falta de pagamento das cotas pactadas.

3. Requirido o interesado para que procedese ó pagamento dos recibos pendentes, manifesta a imposibilidade de liquida-la débeda pola súa precariedade económica.

4. Segundo certificación expedida polo responsable do Rexistro Civil de Vigo, o día 2-2-2001, produciuse o pasamento do herdeiro da adxudicataria, José Fernández Sequeiros, feito que foi, así mesmo, comunicado ó IGVS polo presidente da comunidade de propietarios do edificio onde se atopa a vivenda da que era beneficiario José Fernández Sequeiros.

Fundamentos de dereito.

I. É competente para resolver este procedemento o delegado provincial da Consellería de Política Territorial, Obras Públicas e Vivenda, en virtude do disposto no Decreto 70/1997, do 14 de marzo, de estructura orgánica do IGVS (modificado polo Decreto 258/1999, do 17 de setembro).

II. Os feitos expostos constitúen causa legal suficiente para a resolución, por extinción do contrato de arrendamento, de acordo co artigo 16 da Lei 29/1994, do 24 de novembro, de arrendamentos urbanos, e artigo 59 do Decreto 4104/1964, polo que se aproba o texto refundido da Lei de arrendamentos urbanos.

III. Na tramitación deste expediente observáronse as normas vixentes contidas no Decreto 2114/1968, do 24 de xullo, polo que se aproba o Regulamento de vivendas de protección oficial, e na Lei 30/1992, do 26 de novembro, de réxime xurídico das administracións públicas e do procedemento administrativo común.

Vistos os preceptos legais invocados e demais normas de aplicación xeral,

RESOLVO:

Declara-la extinción do contrato de arrendamento por falecemento do seu titular, coa recuperación da posesión da vivenda.

Contra esta resolución, que non é definitiva en vía administrativa, poderá interpoñer recurso de alzada ante o conselleiro de Política Territorial, Obras Públicas e Vivenda, no prazo dun mes, de conformidade co previsto no artigo 114 da Lei 30/1992, do 26 de novembro, e modificacións introducidas pola Lei 4/1999, do 13 de xaneiro, de réxime xurídico das administracións públicas e do procedemento administrativo común. Pontevedra, 5 de marzo de 2001. José Manuel Iglesias Carrera, Delegado provincial».

Expido, asino e selo esta cédula en Pontevedra o 4 de amio de 2001.

Andrés Iglesias López

Xefe da Área Provincial de Pontevedra

ANEXO

Expediente administrativo: PO-83/510.

Nome: Amalia Sequeiros Valverde.

Enderezo: Gregorio Espino número 71, baixo H.

Concello: Vigo.