De conformidade coa proposta delegada pola comsión designada para xulga-lo concurso que convocou esta universidade por Resolución do 1 de agosto de 2000 (BOE do 22 de agosto), para a provisión da praza número 00/041 de profesor titular de universidade da área de coñecemento de construccións navais, do departamento de Enxeñería Naval e Oceánica, a favor de Antonio Fernández Villegas, e unha vez que o interesado acreditou os requisitos ós que alude o punto 2º do artigo 5 do Real decreto 1888/1984, do 26 de setembro,

Este rectorado, no uso das atribucións que lle confire o artigo 42 da Lei 11/1983, do 25 de agosto, de reforma universitaria, e demais disposicións que a desenvolven, resolveu nomear a Antonio Fernández Villegas profesor titular de universidade da área de coñecemento de construccións navais, do departamento de Enxeñería Naval e Oceánica, desta universidade.

A Coruña, 4 de xuño de 2001.

José Luis Meilán Gil

Rector da Universidade da Coruña