O Pleno do Concello de Santiago de Compostela, na sesión do 28 de decembro de 2000, aprobou definitivamente o Plan parcial do solo urbanizable non programado número 10 (SUNP-10) As Arrepentidas-Carme de Abaixo, con resolución das alegacións presentadas polos interesados no trámite de exposición pública.
Consonte o disposto polo artigo 48.2º da Lei do solo de Galicia, publicouse no BOP número 119, o día 26 de maio de 2001, o texto íntegro da normativa urbanística do plan parcial definitivamente aprobado.
Contra o acordo de aprobación definitiva poderase interpoñer directamente recurso contencioso-administrativo ante o Tribunal Superior de Xustiza de Galicia no prazo de dous meses, contados a partir do día seguinte ó da publicación deste anuncio; alternativamente, poderá interpoñerse recurso potestativo de reposición ante o Pleno do Concello no prazo dun mes, contado desde a mesma data.
Santiago de Compostela, 28 de maio de 2001.
Xosé A. Sánchez Bugallo
Alcalde