A Comisión de Goberno, en sesión do día 4 de maio de 2001, adoptou, entre outros, o seguinte acordo:
Primeiro.-Aprobar definitivamente o proxecto de reparcelación relativo ó polígono H8.01 Gaiteira I (texto refundido 2).
A dita aprobación implica a da conta de liquidación provisional nel contida, da que se xunta copia e da cal resultan os seguintes saldos deudores para as parcelas resultantes:
Parc. Adxudicatario Carga financeira
Promocións Pedro Rama e Fillos, S.L. (B 115495013) 1.331.839 pesetas
F1 Antonio e Julio Álvarez Conchado, S.A. (A 15346216) 6.056.600 pesetas
F2 Mosquera y Rama Promocións, S.L. (B 15640857)
1.331.838 pesetas
F3 Indeterminado 1.809.968 pesetas
Segundo.-Formaliza-la cesión ó concello, en pleno dominio e libre de cargas, da parcela sinalada no PGMO como VL POL H8.01, denominada predio resultante F4 no proxecto de reparcelación, para o seu destino a vía pública.
A dita parcela descríbese como segue: urbana destinada a vía pública. Figura no plan xeral coa denominación de VL POL H8.01. Ten unha superficie de 244,12 m. Linda ó norte en liña quebrada de 61 m con predios resultantes números F1, F'' e F3 do mesmo polígono; ó sur, en liña quebrada de 60 m coa rúa da Gaiteira; ó leste en liña quebrada de 6,5 m coa rúa Gaiteira e ó oeste en liña quebrada de 11,8 m coa intersección das rúas Gaiteira, Posse e Puente.
Terceiro.-Incluír no inventario de bens inmobles a citada parcela VL POL H8.01 para o seu destino a vía pública.
O que se publica para xeral coñecemento indicando que, contra o punto primeiro do acordo cabe interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses contados desde o día seguinte á súa publicación. Non obstante, pode interpoñerse recurso potestativo de reposición ante a Alcaldía-Presidencia no prazo dun mes e contra a súa desestimación poderá interpoñerse recurso contencioso-administrativo ante o TSXG no prazo de dous meses, se a resolución fora expresa, e noutro caso no de seis meses contados desde a desestimación presunta do recurso de reposición, isto é, a partir do mes de telo interposto.
A Coruña, 15 de maio de 2001.
P.D.
Salvador Fernández Moreda
Concelleiro delegado de Urbanismo