Rematados os traballos de elaboración do avance do Plan xeral de ordenación municipal (PXOM), no que se conteñen estratexias, directrices e obxectivos xerais do plan, e adoptado acordo polo Pleno Corporativo do Concello de Corcubión, en sesión ordinaria celebrada o día 3 de maio de 2001, polo que se toma coñecemento do seu contido e se procede á súa publicación, de conformidade co establecido no artigo 41.1º da Lei 1/1997, do 24 de marzo, do solo de Galicia, ábrese un período de información pública dun mes, contado a partir do último anuncio publicado, durante o cal as entidades e os particulares poderán suxeri-lo que estimen oportuno e presentar propostas e convenios urbanísticos que consideren procedentes.
Os traballos poderán examinarse na Secretaría Municipal e Oficina Técnica, os días laborables, entre as 10 e as 13 horas, e estarán, igualmente expostos no salón de plenos da Casa do Concello.
Corcubión, 15 de maio de 2001.
Rafael Mouzo Lago
Alcalde-presidente