De conformidade co acordo da Comisión de Goberno, con data do 18 de maio de 2001, anúnciase concurso polo procedemento aberto para adxudica-la obra seguinte:
1. Obxecto do contrato:
Obra: rede de sumidoiros en Taboexa e Sta. Eulalia, incluída no POL 2001.
Prezo máximo de licitación: 18.612.984 pesetas.
Prazo de execución: catro meses.
A obra realizarase conforme o proxecto técnico e o prego de cláusulas administrativas ó dispor dos interesados na secretaría do concello.
2. Garantías:
Provisoria: 2% do tipo de licitación.
Definitiva: 4% do orzamento de contrato.
3. Presentación de proposicións e documentación complementaria:
As propostas admitiranse a partir do día en que se remita ó BOP e ó Diario Oficial de Galicia o anuncio correspondente, ata pasados 26 días naturais despois da publicación do último anuncio correspondente.
4. Modelo de proposición:
O contido no prego de cláusulas.
Documentación complementaria: a sinalada no prego (e no R.D. lexislativo 2/2000, do 16 de xuño).
Cando as proposicións se envíen por correo, o licitador deberá xustifica-la data e hora na que fixo o envío e comunicalo ó concello mediante fax ou telegrama, dentro da data e hora fixados como prazo de presentación.
5. Criterios da selección:
Os sinalados no artigo 15 do prego de condicións.
6. Apertura de plicas:
No salón de sesións do concello, o seguinte día hábil ó do remate da presentación de proposicións, ás 13 horas, agás que o día citado fose sábado, en que quedará demorada ó primeiro día hábil posterior.
7. Gastos de anuncios:
Por conta do adxudicatario.
8. Exposición do prego de cláusulas administrativas:
Durante o prazo dos oito días hábiles seguintes ó da publicación deste anuncio.
As Neves, 24 de maio de 2001.
Raúl Emilio Castro Rodríguez
Alcalde-presidente