Vista a solicitude para a autorización administrativa, recoñecemento de utilidade pública, coa relación concreta e individualizada dos bens e dereitos afectados pola expropiación, así como para a aprobación do proxecto de execución que se cita:
Solicitante: Unión Fenosa Distribución, S.A.
Domicilio social: avda. de Arteixo, 171, 15007 A Coruña.
Denominación: L.M.T. alimentación a parque empresarial Coirós (Coirós).
Liña eléctrica aéreo-subterránea de media tensión a 15 kV, no tramo aéreo sobre apoios de formigón e con conductor LA-180, coa orixe en apoio nº 129 da liña nº 7 de subestación de Bergondo, entre C.T. Corvián e C.T. Santiago de Ois, de 667 m de lonxitude, seguida de tramo subterráneo, baixo tubo e con conductor R.H.V. 12/20 kV de 3(1x240) mm Al, de 215 m de lonxitude e final no parque empresarial de Coirós. No termo municipal de Coirós.
A petición someteuse a información pública, coa relación de propietarios, bens e dereitos afectados, e publicouse no DOG do 4-1-2001, no BOP do 21-12-2000, no xornal La Voz de Galicia do día 5-12-2000 e nos taboleiros de anuncios da casa do Concello de Coirós. Tamén foron notificados individualmente os interesados que figuran na devandita relación.
Comprobouse igualmente que as alegacións efectuadas polos interesados en canto á modificación do trazado da liña eléctrica non poden ser tidas en conta por non se daren as condicións previstas no artigo 57.B da devandita lei e no artigo 26 do mencionado decreto.
Vista a Lei 54/1997, do 27 de novembro, do sector eléctrico, os decretos 2617 e 2619/1966, do 20 de outubro, sobre autorización e expropiación forzosa das instalacións eléctricas, e cumpridos os trámites regulamentarios establecidos, esta delegación provincial resolveu:
Autorizar e aproba-lo proxecto das citadas instalacións e declarar, en concreto, a súa utilidade pública, o que leva implícita a necesidade de ocupa-los bens ou de adquiri-los dereitos afectados e
implica a urxente ocupación para os efectos do artigo 52 da Lei de expropiación forzosa.
Contra esta resolución pódese interpor recurso de alzada ante o conselleiro de Industria e Comercio no prazo dun mes, contado a partir do día seguinte ó da súa notificación. Tamén se pode interpor calquera outro recurso que se considere pertinente ó seu dereito.
A Coruña, 10 de maio de 2001.
Jesús Espada Martínez
Delegado provincial da Coruña
