Ó abeiro do establecido na Lei 16/1987, do 30 de xullo, de ordenación dos transportes terrestres, e no seu regulamento de execución, aprobado polo Real decreto 1211/1990, do 28 de setembro, iniciouse expediente de modificación concesional (ampliación de tráficos) entre Ourense e o CUVI dentro da concesión do servicio público regular permanente de uso xeral de transporte de viaxeiros por estrada V-7064; XG-438, Ourense-Ribadavia-A Cañiza-O Porriño-Vigo, con anexos, da titularidade da empresa Auto Industrial, S.A.
Os interesados ou afectados no expediente poderán comparecer no procedemento e, tralo exame da documentación pertinente nos Servicios Provinciais de Transportes de Ourense (Curros Enríquez, 1, entlo.) e Pontevedra (estación de autobuses), efectua-las alegacións que estimen oportunas no prazo dun mes, contado a partir do día seguinte ó da publicación deste anuncio no Diario Oficial de Galicia.
Santiago de Compostela, 21 de maio de 2001.
Juan Carlos Villarino Tejada
Director xeral de Transportes