Aprobado pola Comisión de Goberno, en sesión extraordinaria-urxente que tivo lugar o 8-6-2001, o expediente de contratación, mediante concurso e procedemento aberto e trámite de urxencia, das obras de urbanización do contorno da Casa da Cultura, incluídas no Plan provincial de obras e servicios de 2001, faise público o seguinte cadro de características para efectos de presentación de proposicións.
Cadro de características do contrato:
1. Proxecto: urbanización do contorno da Casa da Cultura de Corcubión.
2. Orzamento obra anual: 28.337.483 pesetas, IVE incluído (170.311,70 euros).
3. Aplicación orzamentaria: 01-451.62200.
4. Prazo de execución: 4 meses.
5. Clasificación: grupo C; subgrupo todos; categoría c.
6. Lugar de presentación de ofertas: rexistro xeral do Concello de Corcubión, das 9 ás 13 horas.
7. Prazo de presentación de proposicións: 13 días naturais contados a partir do día seguinte ó da data de publicación do último anuncio publicado.
7. Bis. Apertura de plicas: ás 13 horas do 2º día natural seguinte ó do remate do prazo de presentación das proposicións (agás que ese día coincidise en sábado ou domingo, caso no que se constituiría o seguinte día hábil), no salón de sesións da casa do concello.
8. Garantía provisional: 2% do orzamento de licitación (566.750 pesetas).
9. Garantía definitiva: 4% do prezo de adxudicación.
10. Taxas do contrato.
-Por constitución de fianza provisional: 1.020 pesetas.
-Por devolución da fianza provisional: 1.020 pesetas.
-Por constitución de fianza definitiva: 1.020 pesetas.
-Pola devolución da fianza definitiva: 1.020 pesetas.
-Pola formalización do contrato administrativo: 30.600 pesetas.
-Pola certificación de obra: 4% do orzamento.
-Pola recepción da obra: 15.300 pesetas.
11. Revisión de prezos: non procede.
12. Control de calidade: por conta do contratista ata un máximo do 1% do orzamento de contrata (IVE incluído): 283.374 pesetas.
Outros datos:
Información: teléfono 981 74 54 00.
Lugar onde se poden obter copias do proxecto e prego: Secretaría do Concello de Corcubión.
Corcubión, 11 de xuño de 2001.
Rafael Xosé Mouzo Lago
Alcalde-presidente
