De conformidade co disposto polo artigo 59.4º da Lei do 26 de novembro de 1992 (BOE do 27 de novembro), de réxime xurídico das administracións públicas e do procedemento administrativo común, notifícaselles ás persoas que nos anexos se mencionan que, con esta data, resolvín publica-la proposta de resolución do expediente sancionador que se instrúe, por presuntas infraccións á Lei 7/1992, do 24 de xullo, de pesca fluvial (DOG nº 151, do

5 de agosto), e máis do seu regulamento, aprobado polo Decreto 30/1997, do 14 de maio (DOG nº 106, do 4 de xuño), por non ser posible a súa notificación.

Para os efectos previstos na Lei de réxime xurídico das administracións públicas e do procedemento administrativo común, os expedientados disporán dun prazo de quince (15) días hábiles, contados a partir do seguinte ó da publicación desta notificación, para formularen cantas alegacións coiden pertinentes. No mesmo prazo ponse o procedemento de manifesto para trámite de vista se o consideran oportuno. O expediente pode ser examinado na delegación provincial desta consellería, sita na rúa do Paseo, nº 18-5ª planta, en Ourense.

Rematado o prazo que se sinala, esta proposta, xunto con tódolos documentos que constan nos expedientes remitiráselle ó delegado provincial desta consellería, para a resolución dos procedementos.

O que se lles comunica de acordo coa normativa antes citada e co establecido no Regulamento do procedemento para o exercicio da potestade sancionadora, aprobado polo Real decreto 1398/1993, do 4 de agosto (BOE nº 189, do 9 de agosto).

Ourense, 31 de maio de 2001.

Agustín Prado Verdeal

Delegado provincial de Ourense

ANEXO

Expediente: OU 027/01P.

Denunciado: J.C.A. Hormigones, S.A.

CIF: A36851962.

Último enderezo coñecido: r/ García Barbón, nº 62, Vigo (Pontevedra).

Feito probado: proceder á limpeza da cuba dun camión marca Mercedes Benz, modelo 2225 B, matrícula M-1423-KS, vertendo directamente a unha pequena lagoa xunto ó río Miño restos de formigón transportado nela.

Precepto infrinxido: artigo 77 do Regulamento de ordenación da pesca fluvial.

Precepto sancionador: artigo 34.1º da Lei de pesca fluvial de Galicia.

Sanción: multa de 150.000 pesetas.