De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselles ás persoas que no anexo se mencionan, a incoación do expediente sancionador por infracción á Lei 7/1992, do 24 de xullo, de pesca fluvial de Galicia.

Que así mesmo designo instructora do expediente a Pilar Pita Ponte e secretaria a Mercedes Valdés Rodríguez.

O que se notifica para os efectos previstos no artigo 29 da devandita Lei de réxime xurídico das administracións públicas e do procedemento administrativo común, podendo recusalas en calquera momento do expediente por algunha das causas previstas no artigo 28 da dita lei.

Para os efectos previstos na Lei de réxime xurídico das administracións públicas e do procedemento administrativo común, os denunciados disporán dun prazo de quince días hábiles, contados a partir do seguinte ó da publicación desta notificación, para formula-las alegacións, achegar documentos ou as probas que conveñan ó seu dereito, advertíndolles de que, de non efectuar alegación ningunha no prazo fixado, este acordo de incoación poderá ser considerado proposta de resolución, de darse os supostos previstos no artigo 13 do Real decreto 1398/1993, do 4 de agosto (BOE do 9 de agosto).

Pontevedra, 25 de maio de 2001.

José Luis Díez Yáñez

Delegado provincial de Pontevedra

ANEXO

Expediente : P-P-2001/030.

Denunciado: Emilio Fontán Andión. Rúa Espedrigada, 65. Vigo.

DNI: 35.247.091.

Feitos denunciados: pescar dúas troitas (16 cm) de tamaño inferior ó autorizado. Feitos denunciados ás 12 horas do día 25 de marzo de 2001, no río Calvelle, ó seu paso por Valongo, no concello de Cotobade.

Data do acordo de incoación: 30 de marzo de 2001.

Precepto infrinxido: artigo 33.9º da Lei 7/1992, de pesca fluvial de Galicia, en relación co anexo IV do Decreto 130/1997, do 14 de maio, polo que se aproba o Regulamento de ordenación da pesca fluvial e dos ecosistemas acuáticos continentais.

Precepto sancionador: artigo 33 da Lei 7/1992, de pesca fluvial de Galicia.

Sanción: 10.000 pesetas (60,10 euros).

Indemnización: 2.000 pesetas (12,02 euros).

Expediente : P-P-2001/032.

Denunciado: Andrés Cal Cal. Comboa-Soutomaior.

DNI: 36.073.836.

Feitos denunciados: pescar sen licencia no encoro de Eiras, ás 11.05 do día 27 de marzo de 2001.

Data do acordo de incoación: 27 de abril de 2001.

Precepto infrinxido: artigo 34.1º da Lei 7/1992, de pesca fluvial de Galicia.

Precepto sancionador: artigo 34.1º Lei 7/1992, de pesca fluvial de Galicia.

Sanción: 50.001 pesetas (300,51 euros).

Inhabilitación: para obte-la licencia de pesca e para o exercicio da dita actividade durante un período de 1 ano.