Perante este Xurado Provincial de Montes Veciñais en Man Común, tramítase o expediente de clasificación do monte coas características que a seguir se indican:
-Expediente número: 4/2001.
Denominación: monte de Támoga.
Comunidade propietaria: veciños da parroquia de Támoga.
Concello: Cospeito.
Superficie: 18 hectáreas.
Estremas:
Norte e oeste: predios particulares. Leste: monte Lagoa da parroquia de Pino. Sur: monte da parroquia de Arcillá.
Descrición do perímetro: os únicos límites salientables no perímetro deste monte da parroquia de Támoga son, polo leste divide co monte Lagoa da parroquia de Pino, subindo por unha liña de marcos cara ó sueste ata Madorra da Rita. Polo sur divide co monte da parroquia de Arcillá, segundo o camiño de Pumares subindo cara ó leste ata Madorra da Rita.
-Expediente número: 5/2001.
Denominación: monte de Vilar.
Comunidade propietaria: veciños da parroquia de Vilar.
Concello: Cospeito.
Superficie: 11 hectáreas.
Estremas: os do conxunto das dúas parcelas, co río Miño no medio, son:
Norte, leste e oeste: predios particulares. Sur: termo municipal de Castro de Rei.
Descrición do perímetro: os únicos límites salientables no perímetro destes montes da parroquia de Vilar son os que están atravesados de norte a sur polo río Miño, e polo sur, o termo municipal de Castro de Rei.
-Expediente número: 18/2001.
Denominación: monte de Piñeira.
Comunidade propietaria: veciños da parroquia de Piñeira.
Concello: Monforte de Lemos.
Superficie: 31 hectáreas.
Estremas:
Norte: estrada N-120 de Monforte de Lemos a Ourense, e predios particulares. Leste: estrada local que conduce ó polígono industrial e predios particulares. Sur: predios particulares. Oeste: camiño, Rego de Carballo e predios particulares.
En virtude do acordado polo xurado na sesión que tivo lugar o día 28 de marzo de 2001 e, en cumprimento da orde do instructor, conforme o disposto na Lei de montes veciñais en man común do 10 de outubro de 1989 e demais disposicións de aplicación, polo presente edicto faise pública a iniciación dos expedientes indicados co obxecto de que, de acordo co previsto no artigo 23 do regulamento aprobado polo Decreto 260/1992, do 4 de setembro, para a execución da citada lei, cantas persoas, organismos e corporacións resulten interesados, poidan comparecer e intervir nos expedientes iniciados e formular perante o xurado, no prazo dun mes contado a partir do día seguinte ó da publicación do presente edicto no Diario Oficial de Galicia, cantas alegacións coiden oportunas na defensa dos dereitos que crean asistilos en relación cos montes, achegando, se é o caso, a documentación que consideren conveniente ó respecto.
Lugo, 10 de maio de 2001.
Luis González Vázquez
Presidente do Xurado Provincial de Montes
Veciñais en Man Común de Lugo