Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

Solicitante: Unión Fenosa Distribución, S.A.

Domicilio social: García Barbón 38, 36201 Vigo.

Denominación: L.M.T. e C. seccionamento na rúa Vigo nº 16.

Situación: Sanxenxo.

Descricións técnicas: L.M.T., subterránea, a 20 kV, de 25 m de lonxitude, con conductor tipo R.H., desde a liña que une os CC.TT. existentes Vicañoo e rúa 13, ata o centro de seccionamento que se proxecta no nº 16 da rúa Vigo, no concello de Sanxenxo, rematando no punto de inicio da liña. Centro de seccionamento con 3 liñas de manobra exterior.

Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra esta resolución pódese interpor recurso de alzada ante o conselleiro de Industria e Comercio no prazo dun mes, contado a partir do día seguinte ó da súa notificación. Tamén se pode interpor calquera outro recurso que se considere pertinente.

Pontevedra, 2 de maio de 2001.

P.D. (Resolución 26-4-2001)

Mª del Carmen Girón Daviña

Secretaria provincial de Pontevedra