Visto o texto do convenio colectivo da empresa D.S. Salgado, S.L., con nº de código 3600512, que tivo entrada nesta delegación provincial o día 8-5-2001, subscrito en representación da parte económica pola representación da empresa, e da parte social, polo delegado de persoal, en data 17-4-2001. De conformidade co disposto no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autó
noma de Galicia, en materia de traballo, esta delegación provincial,
ACORDA:
Primeiro.-Ordena-la súa inscrición no libro de rexistro de convenios colectivos de traballo, que consta nesta delegación provincial, e a notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
Vigo, 10 de maio de 2001.
Antonio Coello Bufill
Delegado provincial de Pontevedra
Convenio da empresa D.S. Salgado, S. L.
Artigo 1º.-Ámbito.
Este convenio afecta en todo o seu contido á empresa D.S. Salgado, S.L., que ten o seu domicilio en Vilagarcía de Arousa e a todo o seu persoal que estea prestando os seus servicios nela, así como os que se incorporen despois. O seu posto de traballo poderá variar segundo as circunstancias e necesidades da empresa, sen que varíen por iso as condicións estipuladas.
Artigo 2º.-Vixencia.
As cláusulas deste convenio terán unha duración dun ano, e entrarán en vigor o día da súa sinatura, con independencia da data da súa publicación no BOP, prorrogándose tacitamente en períodos anuais, se non é denunciado por calquera das partes, de acordo coas normas vixentes.
Artigo 3º.-Condicións máis beneficiosas.
Respectaranse a título individual as condicións de traballo superiores ás establecidas neste convenio, consideradas no seu conxunto e cómputo anual. Tal garantía será exclusivamente con carácter persoal, sen que se poida entender vinculada ó posto de traballo, categorías profesionais e outras circunstancias, polo que o persoal de novo ingreso non poderá alegar a prol del condicións máis beneficiosas das que gozasen os traballadores que anteriormente ocupasen os postos a que sexan destinados ou promovidos.
Artigo 4º.-Xornada de traballo.
A xornada de traballo será de corenta horas semanais, segundo establece o Estatuto dos traballadores, repartidas na forma máis idónea para a empresa e os traballadores, entendendo sempre o interese deles e a productividade da empresa.
Artigo 5º.-Vacacións.
Tódolos traballadores terán unhas vacacións retribuídas en conformidade ás seguintes condicións:
a) Terán unha duración de 30 días naturais.
b) As vacacións colleranse cando conveña, segundo as condicións da empresa, aínda que esta exporá con tempo ós seus traballadores como as han de coller no ano próximo, segundo o criterio e necesidades da empresa e dos traballadores, sen poderen ser nunca nos meses de verán.
c) Cando o traballador cese no curso do ano, terá dereito á parte proporcional de vacacións a razón do tempo traballado.
Artigo 6º.-Licencias e permisos.
O persoal da empresa terá dereito a licencia con soldo en calquera dos casos seguintes:
a) Por matrimonio do traballador.
b) Por morte ou enterro do cónxuxe, ascendentes e descendentes.
c) Enfermidade grave do cónxuxe, fillos ou parto da esposa.
d) A duración destas licencias será de quince días para o matrimonio e ata de tres días nos demais casos. En casos excepcionais, poderánselles conceder licencias máis prolongadas, se estas se solicitan debidamente á dirección con causas moi xustificadas.
Artigo 7º.-Pagas extraordinarias.
O persoal da empresa percibirá dúas pagas extraordinarias, consistentes nunha mensualidade do soldo base e antigüidade, nos meses de xullo e decembro.
Artigo 8º.-Paga de beneficios.
O persoal da empresa percibirá durante o mes de marzo, en concepto de paga de beneficios do ano anterior, o importe dunha paga mensual completa correspondente ó dito ano.
Artigo 9º.-Servicio militar.
O persoal comprendido neste convenio ten dereito a que se lle respecte o seu posto de traballo durante o tempo que dure o servicio militar. Así mesmo, o persoal que leve dous anos prestando servicios na empresa, ó tempo da incorporación ó servicio militar, ten dereito a percibir como se estivese presente no traballo o importe das gratificacións extraordinarias fixas de xullo e decembro.
Artigo 10º.-Roupa de traballo.
A empresa está obrigada a facilitarlles ós seus empregados a roupa de traballo necesaria para cada función. Unha peza cada ano. O seu uso e conservación serán obrigacións para o persoal.
Artigo 11º.-Retribucións.
O salario, durante a vixencia deste convenio será o que figura na táboa que se reflicte na folla anexa, máis os aumentos por antigüidade que procedan, segundo a táboa anexa.
Artigo 12º.-Antigüidade.
O persoal comprendido neste convenio percibirá aumentos periódicos por anos de servicio, consis
tentes en cuadrienios na cantidade do 5% do salario base, correspondente á categoría en que o productor está clasificado.
Artigo 13º.-Axuda por defunción.
En caso de falecemento dun traballador, cun ano de servicio na emrpesa, esta está obrigada a satisfacerlles ós seus habentes dereito unha axuda de dúas mensualidades.
Artigo 14º.-Comisión paritaria.
Para levar a bo termo estas negociacións, constitúese unha comisión paritaria integrada por Ramón Somoza Rodríguez e Guillermo Guillán Iglesias, delegado sindical de persoal, en representación dos traballadores e Antonio Pérez del Oro e Alberto Pérez Fontán en representación da empresa.
Artigo 15º.-Partes asinantes.
Este convenio foi asinado por unha representación dos traballadores en tódalas súas follas e por Antonio Pérez del Oro en representación da empresa.
Vilagarcía de Arousa. Marzo de 2001.
Ramón Somoza Rodríguez
Chofer repartidor, secretario
DNI: 35.409.940
Guillermo Guillán Iglesias
Delegado sindical da empresa
DNI: 35.443.713-T
Mª Josefa Ramos Bugallo
Axudante
DNI: 35.439.060
Antonio Pérez del Oro
Pola empresa
DNI: 35.328.501
Manuel Rivas Núñez
Mozo
DNI: 35.399.606
ANEXO
Táboa de salarios
convenio convenio
Categorías Anterior
Actual
Cuadrienio
Director xerente 132.426 137.723 6.886
Persoal administración Xefe administrativo 108.655 113.000 5.650 Aux. admón. ou operador de máqui. contab. 87.945 91.465 4.573 Axudante admón ou operador de máqui. contab. 87.150 90.636 4.532 Auxiliar de caixa 87.150 90.636 4.532 Aspirante de 16 a 18 anos 72.870 75.785
Persoal mercantil Xefe de compras 107.295 111.590 5.580 Xefe de vendas 107.295 111.590 5.580 Xefe de almacén 107.295 111.590 5.580 Dependente maior 95.750 99.580 4.980 Dependente 89.072 92.635 4.632 Axudante 86.693 90.161 4.508 Aprendiz 1ª 72.870 75.785 Aprendiz 2ª 72.870 75.785 Preparador de pedidos 89.072 92.635 4.632 Viaxante 85.450 88.870 4.444
convenio convenio
Categorías Anterior
Actual
Cuadrienio
Persoal de servicios Chofer repartidor 89.072 92.635 4.632 Mozo especializado 87.945 91.465 4.573 Mozo 87.150 90.636 4.532 Prof. ofi. 3ª 87.150 90.636 4.532