De acordo co disposto no TRLCAP anúnciase o concurso con procedemento aberto e de tramitación urxente, das obras incluídas no Plan provincial de obras e servicios da deputación provincial, conforme o prego de cláusulas administrativas xerais aprobado polo Pleno da deputación provincial na sesión do día 30 de marzo de 2001 e publicados no BOP nº 78, do 4 de abril de 2001.

1. Obxecto e tipo de licitación. Adxudicación das obras incluídas nos proxecto de obra seguintes:

Denominación: abastecemento de auga nos lugares de Insua e Cebei.

Tipo de licitación: 19.885.779.

Denominación: travesía Corredoira 2ª F e outro.

Tipo de licitación: 13.934.092.

2. Prazo de execución: o prazo de execución será de seis meses desde a formalización do contrato.

3. Fianza provisional: non se esixe.

4. Fianza definitiva: fíxase no 4% do importe da adxudicación.

5. Lugar e prazo de presentación de proposicións: no rexistro xeral do concello, de 9 a 13 horas, durante o prazo de 13 días naturais, contados desde o seguinte ó da última publicación no BOP ou DOG. Se o último día natural cadrase en sábado, o prazo trasladarase ó seguinte día hábil.

6. Apertura de proposicións: terá lugar ás 12 horas do décimo día hábil seguinte a aquel no que remate o prazo de presentación de proposicións, no salón de sesións da casa consistorial. Se cadrase en sábado, trasladarase ó seguinte día hábil.

7. Modelo de proposición e documentación: as proposicións presentaranse en dous sobres, A e B pechados, que poderán ser lacrados e precintados, asinados polo licitador ou persoa que o represente, e coa documentación e requisitos esixidos na cláusula 12 do prego de cláusulas administrativas particulares.

-Sobre A: subtitulado «Documentación»: conterá a documentación esixida na cláusula 12.1 do prego de cláusulas administrativas particulares.

-Sobre B: subtitulado «Oferta económica e referencias técnicas»: conterá a proposición económica formulada estrictamente conforme o modelo que se especifica a seguir e, ademais, conterá as referencias técnicas esixidas na cláusula 12.2 do prego de cláusulas administrativas particulares.

Modelo de proposición.

Don/Dona..., con domicilio en..., rúa..., número..., teléfono..., con DNI (ou pasaporte ou documento que o substitúa) número..., actuando no seu propio nome (ou en representación de..., DNI ou CIF número..., e con domicilio en..., número..., teléfono...) toma parte no concurso con procedemento aberto para a adxudicación da execución das obras comprendidas no proxecto... e para os efectos fai constar:

1º Que ofrece o prezo de... (IVE incluído) que significa unha baixa de..., en relación co tipo de licitación.

2º Que coñece e acepta cantas obrigas deriven dos pregos de cláusulas administrativas particulares deste contrato.

3º Que xunta a documentación esixida no prego de cláusulas administrativas particulares.

En... o ... de... de 200...

O licitador (asinado e rubricado).

Val do Dubra, 15 de maio de 2001.

Juan Manuel Baleato Iglesias

Alcalde