O Concello de Samos recibiu do Tribunal Superior de Xustiza de Galicia, Sala do Contencioso-Administrativo, sección terceira da Coruña providencia pola que se admite a trámite o recurso contencioso-administrativo número 03/0007355/2001, interposto por Arturo Lemos Arias, contra o acordo do Concello de Samos do 10-11-2000 denegatorio do recurso de reposición contra outro do 29-9-2000 sobre indemnización por danos e prexuízos derivados da expropiación dos predios nº 803, 581 e 1.249 do polígono 3.

En consecuencia, o Concello de Samos acordou, de conformidade co disposto no artigo 49 da Lei 29/1998, do 13 de xullo, reguladora da xurisdicción contencioso-administrativa, a remisión do correspondente expediente administrativo ó referido xulgado, o que se notifica para xeral coñecemento de tódalas persoas interesadas no procedemento e se emprazan para que poidan comparecer como parte nos autos no Xulgado do Contencioso-Administrativo, sección terceira da Coruña, no prazo de 9 (nove) días, contados desde o día da publicación do presente acordo no Diario Oficial de Galicia.

Samos, 10 de maio de 2001.

O alcalde

Rubricado