Advertidos erros no anexo I da resolución desta universidade do 19 de decembro de 2000 (DOG do 22 de xaneiro de 2001), pola que se convocan probas selectivas para a provisión dunha praza de técnico especialista de laboratorio vacante no cadro de persoal laboral desta universidade, este rectorado, ó amparo do previsto no artigo 105.2º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro (BOE do 14), procede á súa rectificación nos seguintes termos:

Fase de oposición:

Onde di: «A cualificación final da fase de oposición obterase sumando as puntuacións obtidas no primeiro e segundo exercicio, polo que terá un valor máximo de 65 puntos».

Debe dicir: «A cualificación final da fase de oposición obterase sumando as puntuacións obtidas nos tres exercicios, polo que terá un valor máximo de 65 puntos».

A Coruña, 8 de xuño de 2001.

José Luis Meilán Gil

Rector da Universidade da Coruña