Aprobado polo alcalde deste concello o proxecto técnico e o prego de condicións económico-administrativas que rexerá na poxa por procedemento aberto (tramitación urxente) da obra que no punto 2 se indica, exponse ó público polo prazo dos oito primeiros días naturais seguintes ó da derradeira publicación deste anuncio no Diario Oficial de Galicia ou no BOP. Simultaneamente, anúnciase a poxa para a presentación de propostas, podendo aprazarse a licitación no caso de que se formulen reclamacións contra o proxecto ou o prego.

1. Entidade adxudicadora. Organismo: Alcaldía. Dependencia: Secretaría.

2. Obxecto, prezo e prazo do contrato. Centro multiusos municipal de Goián (2ª fase) cun orzamento tipo de licitación de 20.000.000 de pesetas e un prazo de execución de 8 meses.

3. Tramitación, procedemento, forma adxudicación. Tramitación: urxente. Procedemento: aberto. Forma: poxa.

4. Fianzas: definitiva: 4% do prezo do remate.

5. Obtención da documentación e información. Secretaría do concello, praza de Calvo Sotelo, 1, 36740 Tomiño; teléfono 986 62 20 01/fax 986 62 25 30), ata o día anterior ó do remate de presentación de proposicións.

6. Requisitos específicos do contratista. Os especificados no prego.

7. Presentación das ofertas. Prazo: 13 días naturais seguintes á publicación do derradeiro anuncio de licitación no BOP de Pontevedra e no Diario Oficial de Galicia (DOG). Documentación: a esixida no prego. Lugar de presentación: rexistro xeral do Concello de Tomiño, das 9 ás 14 horas (luns a venres) e das 11 ás 13 horas os sábados.

8. Apertura de ofertas. Será realizada pola mesa de contratación no concello ás 12 horas do 3º día hábil ó de remate do prazo de presentación de proposicións.

9. Gastos dos anuncios. Por conta do adxudicatario.

Tomiño, 6 de xuño de 2001.

José Luis Fernández Lorenzo

Alcalde