De conformidade con canto se establece no artigo 70.2º da Lei 7/1985, do 2 de abril, reguladora das bases do réxime local, e no artigo 48.2º da Lei 1/1997, do 24 de marzo, do solo de Galicia, por medio deste anuncio faise público que o Pleno do Concello, na sesión que tivo lugar o día 16 de maio de 2001, aprobou definitivamente a modificación puntual das normas subsidiarias do planeamento muncipal, acordo que na súa parte dispositiva resulta do teor literal seguinte:
«O Pleno do Concello, por unanimidade, e, xa que logo, co quórum da maioría absoluta legal esixida polo artigo 47.3i) da Lei 7/1985, do 2 de abril, reguladora das bases do réxime local, acorda:
Primeiro.-Aprobar definitivamente a modificación puntual das normas subsidiarias do planeamento municipal nas rúas dos Nenos e Alcale de Xetas, consistente na recualificación de varias parcelas, coa finalidade de amplia-la superficie destinada a edificios e servicios públicos no ámbito onde está o colexio público.
Segundo.-Que este acordo, na súa parte dispositiva, xunto co articulado das normas, se publique no BOP, en cumprimento de canto se establece non artigo 70.2º da Lei 7/1985, do 2 de abril, reguladora das bases do réxime local. Publicarase, así mesmo, aquel no Diario Oficial de Galicia de conformidade con canto establece o artigo 48.1º da Lei 1/1997, do 24 de marzo, do solo de Galicia.
Terceiro.-Achegar á Consellería de Política Territorial, Obras Públicas e Vivenda a documentación á que fai referencia o artigo 48.2º da Lei do solo de Galicia».
A modificación aprobada non supón modificación do contido das ordenanzas aplicables.
Entrada en vigor: a modificación aprobada entrará en vigor unha vez publicada no BOP de Lugo e transcorrido o prazo a que se refire o artigo 48.3º da Lei do solo de Galicia.
Recursos: contra o acordo de aprobación definitiva poderase interpoñer directamente recurso contencioso-administrativo perante a sala correspondente do Tribunal Superior de Xustiza de Galicia, no prazo de dous meses, contados a partir do día seguinte ó da súa publicación.
Castroverde, 23 de maio de 2001.
Xosé Mª Arias Fernández
Alcalde