1. Entidade adxudicadora: Servicio Galego de Saúde. División de Recursos Económicos. Subdirección Xeral de Orzamentos; edificio administrativo San Caetano, bloque 2-2º. Teléfono: 981 54 27 78; fax: 981 54 27 62. Santiago de Compostela.

2. Obxecto do contrato: a contratación dos servicios de transporte sanitario para altas hospitalarias e traslados interhospitalarios do Hospital Comarcal de Valdeorras.

3. Tramitación, procedemento e forma de adxudicación: concurso polo procedemento aberto.

4. Orzamento base de licitación: importe máximo anual previsto de dezaseis millóns duascentas mil pesetas (16.200.000 pesetas), 97.363,96 euros.

5. Fianzas e garantías: fíxase unha fianza definitiva por importe de seiscentas corenta e oito mil pesetas (648.000 pesetas), 3.894,55 euros.

6. Documentos de interese para os licitadores: os pregos de cláusulas administrativas particulares e prescricións técnicas pódense solicitar na División de Recursos Económicos (Servicio de Xestión de Concertos e Recursos Propios); edificio administrativo San Caetano, bloque 2, 2º, Santiago de Compostela, en días laborables desde as 9 ata as 14 horas.

7. Solvencia económico-financeira e técnica: acredítanse conforme o establecido no punto 5.3 (puntos 11 e 12) do prego de cláusulas administrativas particulares.

8. Criterios de adxudicación: os establecidos no punto 6.3 do prego de cláusulas administrativas particulares.

9. a) Prazo e lugar de presentación das proposicións: as proposicións presentaranse antes das 14 horas do décimo quinto día natural a partir do seguinte ó da publicación desta resolución no DOG e segundo establece o punto 5 do prego de cláusulas administrativas particulares.

b) Documentación que deberán presenta-los licitadores: os documentos que figuran no prego de cláusulas administrativas particulares e na forma que nel se sinala.

10. Data de apertura das proposicións: a apertura das proposicións admitidas será realizada pola mesa de contratación, reunida en acto público na sala de xuntas da Consellería de Sanidade e Servicios Sociais, o décimo primeiro día natural, contado a partir do seguinte a aquel no que finalice o prazo de presentación de ofertas. No caso de que o dito día coincida en sábado ou festivo, a apertura das proposicións terá lugar o seguinte día hábil.

11. Anuncios: os anuncios deste concurso serán por conta do adxudicatario do contrato.

Santiago de Compostela, 16 de maio de 2001.

Antonio Fernández-Campa García-Bernardo

Director xeral da División de Recursos Económicos