De conformidade co establecido na Orde do 21 de abril de 1998, sobre delegación de atribucións nos órganos centrais e periféricos da Consellería de Sanidade e Servicios Sociais.
Esta delegación provincial, unha vez cumpridos os trámites administrativos correspondentes, resolve anunciar concurso público, por procedemento aberto e trámite ordinario, para a contratación da subministración consistente na adquisición de uniformes para persoal laboral de centros dependentes desta delegación provincial.
1. Entidade adxudicadora.
a) Organismo: Delegación Provincial de Sanidade e Servicios Sociais.
b) Dependencia que tramita o expediente: Servicio de Xestión Económica, na avda. Cánovas del Castillo, s/n de Vigo.
c) Nº de expediente: 13/2001.
2. Obxecto do contrato.
a) Descrición do obxecto: subministración consistente na adquisición de uniformes para persoal laboral de centros dependentes desta delegación provincial.
b) Nº unidades que se van entregar: segundo o establecido no prego de prescricións técnicas.
c) División por lotes e número: 8 lotes.
d) Lugar de entrega: a entrega efectuarase en cada un dos centros onde a mercadoría estea destinada.
e) Prazo de entrega: 3 meses contados a partir da data de formalización del contrato.
3. Tramitación, procedemento e forma de adxudicación.
a) Tramitación: ordinaria.
b) Procedemento: aberto.
c) Forma: concurso.
4. Orzamento base de licitación.
Importe total: 14.456.900 pesetas (catorce millóns catrocentas cincuenta e seis mil novecentas) incluído IVE, 86.887,72 euros.
* Partida 1: roupas diversas (confección á medida): 2.755.000 pesetas (dous millóns setecentas cincuenta e cinco mil), 16.557,88 euros
* Partida 2: pixamas e batas: 3.268.000 pesetas (tres millóns duascentas sesenta e oito mil), 19.641,08 euros.
* Partida 3: roupas de punto: 2.718.000 pesetas (dous millóns setecentas dezaoito mil), 16.335,51 euros.
* Partida 4: roupas de cociña: 660.400 pesetas (seiscentas sesenta mil catrocentas), 3.969,08 euros.
* Partida 5: roupas deportivas: 1.056.000 pesetas (un millón cincuenta e seis mil), 6.346,69 euros.
* Partida 6: calzado: zapatos de pel e botas de goma: 756.000 pesetas (setecentas cincuenta e seis mil), 4.543,65 euros.
* Partida 7: calzado: zapatillas deportivas: 533.000 pesetas (cincocentas trinta e tres mil), 3.203,39 euros.
* Partida 8: calzado: zocos: 2.710.500 pesetas (dous millóns setecentas dez mil cincocentas), 16.290,43 euros.
5. Garantías.
Provisional: non se esixe.
6. Obtención de documentación e información.
a) Entidade: a documentación estará dispoñible en tódalas delegacións provinciais da Consellería de Sanidade e Servicios Sociais.
b) Domicilio: información en avda. Cánovas del Castillo, s/n.
c) Localidade e código postal: Vigo 36202.
d) Teléfono: 986 81 72 11 e 986 81 72 12.
e) Fax: 986 81 72 01.
f) Páxina web: www.sergas.es.
g) Correo eletrónico: María Eugenia Costas Davila/SA/XUNTA*XUNTA.
h) Data límite de obtención de documentos e información: ata o día de finalización do prazo de presentación de ofertas, tódolos días laborables excepto sábados, desde as 9 ás 14 horas.
7. Requisitos específicos do contratista.
a) Clasificación: non se esixe.
b) Outros requisitos: acreditarase a solvencia económica, financeira e técnica en calquera das formas previstas na Lei de contratos das administracións públicas.
8. Presentación de ofertas ou das solicitudes de participación.
a) Data límite de presentación: no prazo de 15 días naturais, contados desde o día seguinte ó da publicación deste anuncio no DOG. No caso de que o devandito día coincida en sábado ou festivo, a data límite será o primeiro día hábil seguinte.
b) Documentación que hai que presentar: a indicada no punto 5 do prego de cláusulas administrativas particulares.
c) Lugar de presentación: rexistro da Delegación Provincial de Pontevedra en avda. Vigo, s/n de Pontevedra ou nas súas dependencias de Vigo, avda. Cánovas del Castillo, s/n, código postal 36202. Tamén poden enviarse por correo na forma prevista no artigo 100 do Regulamento de contratos do Estado.
d) Prazo durante o cal o licitador estará obrigado a mante-la súa oferta: 3 meses.
e) Admisión de variantes: non.
f) Se é o caso, número previsto (ou números máximo e mínimo) de empresas ás que se pretende invitar a presentar ofertas (procedemento restrinxido):
9. Apertura das ofertas.
a) Entidade: Delegación Provincial de Sanidade e Servicios Sociais nas súas dependencias de Vigo.
b) Domicilio: avda. Cánovas del Castillo, s/n.
c) Localidade: Vigo.
d) Data: décimo terceiro día natural contado a partir do día seguinte ó de finalización do prazo de presentación de propostas.
e) Hora: 10 horas.
10. Gastos do anuncio: o importe deste anuncio será por conta dos adxudicatarios.
Vigo, 9 de maio de 2001
Mª Dolores Pan Vázquez
Delegada provincial de Pontevedra