DOG 114 do 13/06/2001 - RESOLUCIÓN do 25 de abril de 2001, da Dirección Xeral de Calidade e Avaliación Ambiental, pola que se somete a información pública o estudio de efectos ambientais do proxecto de aproveitamento hidroeléctrico no río Soldón, Salto de Valdenabais, concellos de Quiroga e Folgoso do Caurel (Lugo) e promovido por Compañía Gallega de Minicentrales, S.A.

VI. ANUNCIOS

DA ADMINISTRACIÓN AUTONÓMICA

CONSELLERÍA DE MEDIO AMBIENTE

RESOLUCIÓN do 25 de abril de 2001, da Dirección Xeral de Calidade e Avaliación Ambiental, pola que se somete a información pública o estudio de efectos ambientais do proxecto de aproveitamento hidroeléctrico no río Soldón, Salto de Valdenabais, concellos de Quiroga e Folgoso do Caurel (Lugo) e promovido por Compañía Gallega de Minicentrales, S.A.

En cumprimento do disposto no artigo 2, punto 4º, do Decreto 327/1991, do 4 de outubro, de avaliación dos efectos ambientais para Galicia (DOG nº 199, do 15 de outubro), e durante o prazo de vinte (20) días, o órgano ambiental someterá o estudio de impacto ambiental ó trámite de información

pública mediante anuncio no Diario Oficial de Galicia.

Na súa virtude,

RESOLVO:

Primeiro.-Someter a información pública, o estudio de estudio de efectos ambientais do proxecto de aproveitamento hidroeléctrico no río Soldón. Salto de Valdenavais.

Segundo.-Para os devanditos efectos informativos, porase á disposición dos administrados exemplares nas seguintes dependencias:

* Dirección Xeral de Calidade e Avaliación Ambiental.

* Delegación Provincial da Consellería de Medio Ambiente da provincia de Lugo.

* Concellos de Quiroga e Folgoso do Courel.

Terceiro.-As alegacións formularanse durante o prazo de vinte (20) días, contados a partir do seguinte día á publicación da presente resolución no Diario Oficial de Galicia.

Santiago de Compostela, 25 de abril de 2001.

Francisco Pan-Montojo González

Director xeral de Calidade e Avaliación Ambiental