O artigo 5.2º do Decreto 442/1990, de avaliación do impacto ambiental para Galicia (Diario Oficial de Galicia nº 188, do 25 de setembro), dispón que os estudios de impacto ambiental se someterán ó trámite de información pública, durante trinta días hábiles, mediante anuncio no Diario Oficial de Galicia. Na súa virtude:

RESOLVO:

Someter a información pública, por un prazo de trinta días hábiles, contados a partir da publicación da presente resolución, o proxecto de explotación, o estudio de impacto ambiental e o plan de restauración da solicitude de concesión directa de explotación Vilagarcía nº 2816, situada en terreos do concello de Vilagarcía de Arousa, provincia de Pontevedra, e solicitado por Granitos Fernández Fernández, S.L.

Para os efectos informativos porase á disposición dos administrados que o soliciten un exemplar do expediente para consulta nas oficinas desta dirección xeral así como nas dependencias da Delegación Provincial de Industria correspondente e as alegacións formularanse durante o prazo sinalado nas mesmas oficinas.

Santiago de Compostela, 27 de marzo de 2001.

Ramón Ordás Badía

Director xeral de Industria