No Xulgado do Contencioso-Administrativo número tres de Pontevedra tramítase o recurso 31/2001 (procedemento abreviado), interposto polo Sindicato Nacional de Comisións Obreiras de Galicia coa pretensión de que se deixe sen efecto a convocatoria do 27 de setembro de 2000, do xerente xeral do Complexo Hospitalario de Pontevedra, destinada a reorganizar determinados servicios como consecuencia do plan funcional do complexo.
O que se notifica para xeral coñecemento de tódalas persoas interesadas no procedemento, que son emprazadas para que poidan constituírse en parte no xulgado como demandados no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdicción contencioso-administrativa.
Santiago de Compostela, 29 de maio de 2001.
Valeriano Martínez García
Director xeral da División de Recursos Humanos