O Consello da Xerencia Municipal de Urbanismo, en sesión do 3 de maio de 2001, adoptou, entre outros, o seguinte acordo:
Primeiro.-Aprobar inicialmente o proxecto de compensación do polígono C-SU-UA-4-Canteira, redactado polo arquitecto Clemente Sequeiros Sestelo e visado polo COAG o 19-3-2001 e 22-3-2001 (expediente 4268/401).
Segundo.-Someter este expediente ó trámite de información pública polo prazo de vinte días hábiles, mediante publicación de anuncio no Diario Oficial de Galicia e notificación individualizada ós directamente afectados.
De conformidade co establecido no artigo 133.8º, en relación co 102.4º da Lei 1/1997, do 24 de marzo, do solo de Galicia, sométese o devandito proxecto a exposición pública polo prazo de vinte días desde a publicación deste anuncio no Diario Oficial de Galicia, para que se presenten cantas alegacións ou documentos se consideren convenientes.
O expediente atópase á disposición do público na oficina de información da Xerencia Municipal de Urbanismo (planta baixa do edificio da xerencia).
Vigo, 22 de maio de 2001.
Lois Pérez Castrillo
Alcalde-presidente da Xerencia Municipal
de Urbanismo