Dentro dos programas de actividades que a Academia Galega de Seguridade ten previsto realizar no ano 2001, conforme as funcións atribuídas pola Lei 4/1992, do 9 de abril, de creación da Academia Galega de Seguridade, anúnciase a realización dunhas xornadas sobre a policía e a protección do patrimonio cultural, que deberán desenvolverse conforme as seguintes bases:
Obxectivos.
As xornadas teñen por finalidade principal mostrar unha visión global das medidas de fomento, divulgativas e lexislativas que interaccionan na protección do patrimonio cultural, para que os policías poidan desenvolve-lo seu labor, tal e como demandan as autoridades administrativas e xudiciais.
Destinatarios.
As xornadas van dirixidas ós membros dos corpos e forzas de seguridade e colectivos interesados.
Inscrición.
A inscrición dos participantes será totalmente gratuíta.
Prazas.
O número de prazas que se ofertan estará en función da capacidade do salón de actos da Academia Galega de Seguridade.
Solicitudes.
1. O persoal que desexe participar nestas xornadas deberá presentar, cuberta á máquina ou con letra moi clara, a instancia que figura no anexo.
2. O prazo para a presentación de instancias rematará o día 13 de xuño de 2001, ás 14 horas.
3. As instancias deberán enviarse á sede da Academia Galega de Seguridade: avenida da Cultura, 36680 A Estrada; ou ben poden entregarse en calquera dos lugares previstos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.
Datas.
As xornadas realizaránse durante os días 18 e 19 de xuño de 2001.
O horario será en xornada de mañá (9.30 h-14 h) e tarde (16.30 h-20 h) o día 18, e en sesión de mañá o día 19.
Relación de admitidos.
A relación de admitidos publicarase o día 14 de xuño de 2001 no taboleiro de anuncios da Academia Galega de Seguridade, ou ben poden confirma-la súa asistencia chamando ó teléfono 986 59 00 21.
Lugar.
Salón de actos da Academia Galega de Seguridade, sito na avenida da Cultura, s/n, 36680 A Estrada.
Certificado de participación.
Ó remate das xornadas entregaráselles un certificado de asistencia a aquelas persoas que acrediten a súa participación continuada.
Modificacións.
A Academia Galega de Seguridade poderá modifica-lo desenvolvemento das xornadas para adaptalas ás necesidades da Administración e ás continxencias que poidan xurdir.
A Estrada, 22 de maio de 2001.
Juan José Fariñas-Ferro Rodríguez
Director xeral da Academia Galega de Seguridade