Recibida na Consellería de Educación e Ordenación Universitaria a providencia da sección primeira da Sala do Contencioso-Administrativo do Tribunal Superior de Xustiza de Galicia, pola que se admite o recurso contencioso - administrativo 01/000607/2001, interposto por ACS Proyectos, Obras y Construcciones, S.A., contra silencio administrativo por parte da consellería sobre reclamación de xuros de demora, no pagamento da liquidación da obra de ampliación e reforma de Escolas Labaca (A Coruña).

En consecuencia, esta secretaría xeral acordou nesta data e de conformidade co disposto no artigo 64 da Lei do 27 de decembro de 1956, reguladora da xurisdicción contencioso-administrativa, modificada pola Lei 10/1992, do 30 de abril, a remisión do correspondente expediente administrativo á referida sala, o que se notifica para xeral coñecemento a tódalas persoas interesadas no procedemento, e emprázanse para que poidan comparecer como demandados no recurso no prazo de nove días.

Santiago de Compostela, 30 de maio de 2001.

Máximo García Serrano

Secretario xeral da Consellería de Educación

e Ordenación Universitaria