Examinado o expediente incoado pola titularidade do centro privado Hermanos Quiroga Rodríguez do Porriño (Pontevedra), no que solicita o cambio de titularidade do devandito centro.
Resultando que o referido centro docente ten a correspondente autorización para impartir ensinanzas.
Vistos o Real decreto 1004/1991, do 14 de xuño (BOE do 26 de xuño), polo que se establecen os requisitos mínimos dos centros que imparten ensinanzas de réxime xeral non universitarias, Decreto 133/1995, do 10 de maio (DOG do 22 de maio), sobre autorización de centros docentes privados para impartir ensinanzas de réxime xeral non universitarias e a Orde do 20 de setembro de 1995 (DOG do 15 de decembro) que o desenvolve.
Considerando que, á vista da documentación achegada, a titularidade do centro lle corresponde a Colegio Hermanos Quiroga Rodríguez, S.L.
Esta consellería, por proposta da Dirección Xeral de Centros e Inspección Educativa,
DISPÓN:
Autoriza-lo cambio de titularidade do centro privado Hermanos Quiroga Rodríguez do Porriño a favor de Colegio Hermanos Quiroga Rodríguez, S.L. con tódolos dereitos e obrigas contraídos pola anterior titularidade.
O cambio de titularidade non afectará o réxime de funcionamento do centro.
Santiago de Compostela, 4 de maio de 2001.
Celso Currás Fernández
Conselleiro de Educación e Ordenación Universitaria