Por proposta do conselleiro de Política Territorial, Obras Públicas e Vivenda, o Consello da Xunta de Galicia, na súa reunión do 10 de maio de 2001, acordou declara-lo denominado Plan sectorial hidroeléctrico das concas de Galicia costa como Plan sectorial de incidencia supramunicipal para os efectos previstos na Lei 10/1995, do 23 de novembro, de ordenación do territorio de Galicia, e no Decreto 80/2000, do 23 de marzo, dictado en aplicación dela.
De conformidade co procedemento legalmente establecido e en cumprimento do disposto nos artigos 25.3º da mencionada Lei 10/1995, e 13.2º do Decreto 80/2000, sométese a información pública o referido plan sectorial co fin de que toda persoa física ou xurídica que se considere interesada no expediente de referencia poida examina-lo citado plan, en horas hábiles de oficina, nas dependencias do organismo autónomo Augas de Galicia en Santiago de Compostela (praza Camilo Díaz Valiño, s/nº, 15781 Santiago de Compostela), nas oficinas da súa demarcación Galicia norte (r/ Wenceslao Fernández Flórez, nº 1 - 2º, A Coruña) e nas oficinas da súa demarcación Galicia sur (rúa Palma, nº 4, Edificio Cambón, Pontevedra) podendo presentar, perante a presidencia de Augas de Galicia, as alegacións que
se consideren oportunas no prazo dun mes, contado desde o día seguinte ó da publicación desta resolución no Diario Oficial de Galicia.
Santiago de Compostela, 22 de maio de 2001.
Agustín Hernández Fernández de Rojas
Presidente do organismo autónomo Augas de Galicia