O Concello de Cambre incoou expediente de contratación para a adxudicación do servicio que a seguir se relaciona:
Traballos de limpeza, roza e desherbado mecánico e/ou manual das malezas nas estradas, camiños e predios do concello de Cambre: orzamento: 12.085.674 pesetas/ano, IVE incluído (72.636,36 euros).
O anuncio de licitación publicouse no BOP da Coruña número 116, do 23 de maio do ano no que andamos, e corrección de erros no BOP nº 118, do 25 de maio.
Os interesados poderán obter información e consulta-los pregos no Departamento de Contratación, no primeiro andar da casa do concello, e presentar alegacións no prazo de oito días, de conformidade co establecido no artigo 122.1º do Real decreto lexislativo 781/1986, do 18 de abril.
O prazo para presenta-las proposicións e demais documentación será de oito días naturais a partir do seguinte ó da publicación deste anuncio no Diario Oficial de Galicia.
Cambre, 26 de maio de 2001.
Antonio Varela Saavedra
Alcalde