Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita.

Solicitante: UDESA.

Domicilio social: avda. de Lugo, 125-2º, 15000 Santiago de Compostela.

Denominación: L.M.T. e C.T. de 50 kVA en Portofranco.

Situación: Cerceda.

Descricións técnicas: L.M.T. aérea a 15/20 kV, de 841 m de lonxitude, en conductor LA-30, que parte da L.M.T., Alto do Vilar-A Silva e final no C.T. que se vai construír no Portofranco de 50 kVA. Concello de Cerdeda.

Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que estime pertinente ó seu dereito.

A Coruña, 23 de abril de 2001.

Jesús Espada Martínez

Delegado provincial da Coruña