Eu, Juan Rey Pita, secretario do Xulgado do Social número catro da Coruña, dou fe e certifico que neste xulgado se seguen autos número 127/2001 por instancia de Ramón Peniza Vázquez contra Román Beiro García, sobre despedimento, nos que recaen sentencia con data do 26-4-2001 que, copiada nos particulares necesarios, di así:
Sentencia: que estimando a demanda promovida por Ramón Peniza Vázquez, contra a empresa Román
Beiro García, debo declarar e declaro improcedente o despedimento efectuado ó demandante con data do 10-1-2001, condenando a demandada a que no prazo de cinco días contados desde a notificación desta resolución, opte entre a readmisión do traballador nas mesmas condicións que rexían antes de producirse o despedimento ou ó aboamento da cantidade de 217.157 pesetas en concepto de indemnización, e ó aboamento dos salarios deixados de percibir desde a data do despedimento ata a notificación desta resolución, a razón de 7.239 pesetas diarias.
Así, por esta miña sentencia, contra a que poderá recorrerse en suplicación perante a Sala do Social do Tribunal Superior de Xustiza de Galicia no prazo de cinco días contados desde o seguinte ó da súa notificación, anunciando o propósito de presentalo mediante comparecencia ou por escrito, sendo indispensable que ó tempo de anuncialo o recorrente, se é empresario, exhiba diante deste Xulgado do Social o resgardo acreditativo de ter depositado no Banco de Bilbao Vizcaya, oficina principal desta cidade, na conta corrente deste xulgado, número 5.605, clave 60, a cantidade obxecto de condena, podendo substituírse a consignación en metálico polo aseguramento mediante aval bancario, no que deberá facerse consta-la responsabilidade solidaria do avalista, requisito sen o cal non poderá terse por anunciado o recurso e quedará firme a sentencia. Debe consignar, ademais, a cantidade de 25.000 pesetas na mesma conta, clave 65, entregándose o xustificante na secretaría ó tempo de interpoñe-lo
recurso declarándose este desistido de non constituírse o dito depósito na forma indicada, definitivamente xulgando en primeira instancia, pronúncioo, mándoo e asínoo.
E para que conste, para efectos da súa publicación no Diario Oficial de Galicia co fin de que sirva de notificación a empresa Román Beiro García, expido e asino esta cédula na Coruña o 26 de abril de 2001.
O secretario xudicial
Rubricado