Na sesión do día 28 de maio de 2001 o tribunal designado para xulga-las probas selectivas para cubrir, mediante o nomeamento de persoal interino, trece postos de traballo do corpo administrativo da Xunta de Galicia (grupo C), escala técnica auxiliar de informática, vacantes nos servicios dependentes de distintas consellerías, convocadas pola Orde do 12 de setembro de 2000, acordou, de conformidade co disposto na base quinta da convocatoria, convoca-los aspirantes admitidos ás probas selectivas, para a realización do primeiro exercicio no lugar, día e hora que se especifica:

Lugar: aula nova da Facultade de Dereito da Universidade de Santiago de Compostela.

Día: 7 de xuño de 2001.

Hora: apertura de portas ás 17 horas e peche e inicio do exercicio ás 17.30 horas.

Os aspirantes irán provistos de DNI ou documento fidedigno acreditativo da súa identidade, a xuízo do tribunal, lapis do nº 2 e goma de borrar.

Santiago de Compostela, 28 de maio de 2001.

Alvaro M. Rodríguez Carballo

Presidente do tribunal