A Dirección Xerencia de Atención Primaria de Lugo, en virtude das atribucións que lle foron delegadas conforme o establecido no artigo 7 da Orde do 21 de abril de 1998 (DOG nº 88, do 11 de maio), modificada pola Orde do 23 de marzo de 2000 (DOG nº 104, do 30 de maio), e unha vez cumpridos os trámites administrativos correspondentes, resolve anuncia-la contratación que a seguir se cita.

Obxecto: adquisición de diverso material informático para reposición dos centros dependentes da Xerencia de Atención Primaria de Lugo, de acordo co contido do prego de prescricións técnicas e normas complementarias (C.P. 3/2001).

Orzamento: máximo autorizado de tres millóns seiscentas trinta e oito mil cincocentas pesetas (3.638.500 pesetas) (IVE incluído) (21.867,83 euros).

Forma de adxudicación: concurso público, procedemento aberto, tramitación ordinaria.

Prazo de execución do contrato: desde a formalización.

Admisión de variantes: admítense variantes.

Documentos de interese para os licitadores: o prego de cláusulas administrativas particulares e demais documentación complementaria estarán de manifesto e á disposición dos concursantes, para o seu exame, nos servicios de subministracións da Xerencia de Atención Primaria de Lugo; praza de Ferrol nº 11-4ª planta, 27001 Lugo. Teléfono: 982 29 63 29 e 982 29 63 96; fax: 982 29 62 28; tódolos días laborables, agás sábados, das 9 ás 14 horas.

Garantía provisional: 2% do orzamento de licitación.

Solvencia económica e financeira: acreditarase por algún dos documentos sinalados na folla de especificacións do prego.

Solvencia técnica: acreditarase por algún dos documentos sinalados na folla de especificacións do prego.

Criterios de adxudicación:

1. Prezo: 9 puntos.

2. Calidade: 11 puntos.

Clasificación: non se precisa.

Presentación de proposicións: as proposicións deberán ser presentadas en man, en sobres pechados e asinados polo licitador ou persoa que o represente, no rexistro da Xerencia de Atención Primaria de Lugo, antes das 14 horas do décimo quinto día natural, contado a partir do seguinte ó da publicación desta resolución no DOG, ou enviadas por correo dentro de prazo sinalado.

Cando as proposicións se envíen por correo, o licitador deberá xustifica-la data de imposición do envío na oficina de correos e anunciarlle á Xerencia de Atención Primaria a remisión da oferta mediante fax: 982 29 62 28, ou telegrama no mesmo día, de conformidade co artigo 100 do Regulamento xeral de contratación do Estado.

Apertura de proposicións: terá lugar no salón de actos da Xerencia de Atención Primaria de Lugo a partir das 8.30 horas do décimo primeiro día natural contado desde o seguinte a aquel en que remate o prazo de presentación de ofertas; no caso de que o dito día coincida en sábado ou festivo, a apertura das proposicións terá lugar o día hábil seguinte.

Documentación que achegarán os licitadores: os documentos que figuran no prego de cláusulas administrativas particulares.

Anuncios: o pagamento do anuncio deste concurso público será por conta do adxudicatario do contrato.

Lugo, 26 de abril de 2001.

Lorenzo Armenteros del Olmo

Director xerente de Atención Primaria de Lugo