Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

Solicitante: Unión Fenosa Distribución, S.A.

Domicilio social: S. Díez, 45, 32023 Ourense.

Denominación: L.M.T.S centro seccionamento Labauto-C. Reparto parque técnolóxico.

Situación: San Cibrao das Viñas.

Descricións técnicas: liña a 20 kV subterránea en conductor R.H.Z. 12/20 kV de 691 m coa orixe en celas de liña naves Fundialsa e remata no centro de reparto do parque tecnolóxico.

Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:

Autorizar e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que se estime pertinente ó seu dereito.

Ourense, 23 de abril de 2001.

Alfredo Cacharro Pardo

Delegado provincial de Ourense