Juan Rey Pita, secretario do Xulgado do Social, número tres da Coruña, dou fe e certifico que neste xulgado se seguen autos nº 986/2000, seguidos por instancia de Silvia Pardo Fernández e outros contra Redes Draco, S.L. sobre salarios, nos que recaeu sentencia con data do 27-4-2001 que, copiada nos particulares necesarios, di así:

Que estimando a demanda formulada por Silvia Pardo Fernández, Ignacio Edreira Moreira e Celia Casanova Fandiño, contra a empresa Redes Draco, S.L., condeno a esta a aboárlle-la cantidade de 757.089 pesetas a Silvia Pardo Fernández, 500.875 pesetas Ignacio Edreira Moreira e 1.126.448 pesetas a Celia Casanova Fandiño, que lles debe en concepto de salarios.

Notifíqueselle-la presente resolución ás partes facéndolles saber que contra ela cabe interpoñer recurso de suplicación perante o Tribunal Superior de Xustiza de Galicia, Sala do Social, debendo anuncialo previamente ante este Xulgado do Social, no prazo de cinco días hábiles a partir do día seguinte ó da súa notificación.

Prevense a empresa demandada de que para recorrer deberá acreditar ter ingresado na c/c de consignacións, código 5604.0000.60 986-2000, do Banco Bilbao Vizcaya desta cidade denominada conta do Xulgado do Social número tres, o importe da condena e 25.000 pesetas en concepto de depósito requisitos sen os cales non será admitido a trámite o recurso quedando firme a sentencia.

Así, por esta miña sentencia, da que se unirá certificación ós autos orixinais para a súa notificación e cumprimento, xulgando pronúncioo, mándoo e asínoo.

E para que conste, para os efectos da súa publicación no Diario Oficial de Galicia co fin de que lle sirva de notificación en forma á empresa Redes Draco, S.L. expido e asino esta cédula na Coruña, 27 de abril de 2001.

O secretario xudicial

Rubricado