No organismo autónomo Augas de Galicia achegouse a petición de outorgamento de concesión e autorización administrativas para a instalación dun aproveitamento hidroeléctrico con potencia nominal de ata 5.000 kVA dun tramo libre do río Umia, presentada cos proxectos das obras e instalacións e o estudio ambiental correspondentes.
No anexo que se inclúe máis abaixo transcríbese o peticionario do aproveitamento solicitado, no que figuran os datos máis relevantes que os definen, ademais dunha breve descrición das obras que se van executar. Tamén se fai mención da clase de estudio ambiental achegado polo promotor, logo da cualificación do proxecto do aproveitamento, segundo dispón a lexislación vixente.
Con este anuncio, para dar cumprimento ó disposto no artigo 109 do Real decreto 849/1986, do 11 de abril, polo que se aproba o Regulamento do dominio público hidráulico; e 2.4º do Decreto 327/1991, do 4 de outubro, que regula a avaliación dos efectos ambientais para Galicia, sométense de forma simultánea ó trámite de información pública, no uso das facultades conferidas polo Decreto 63/1997, do 14 de marzo, as peticións e documentación técnica e ambiental que se tratan en concreto no anexo, para os efectos do seu coñecemento xeral, co fin de que aquelas persoas naturais ou xurídicas que se consideren afectadas nos seus dereitos poidan formular, por escrito, cantas alegacións, observacións, suxestións e reclamacións consideren procedentes (indicando a clave do concurso sinalada no encabezamento e o proxecto ou estudio do peticionario ó que se refiran), persoalmente ou por medio do seu representante con poder suficiente, perante o rexistro xeral do organismo autónomo Augas de Galicia,
praza Camilo Díaz Valiño, 7-9, 15781 Santiago de Compostela, e dentro do prazo improrrogable de vinte (20) días hábiles.
O prazo comezará a contarse e entenderase aberto a partir da data da derradeira das publicacións que
corresponden facer desta resolución no Diario Oficial de Galicia e no BOP de Pontevedra. Transcorrido o dito período de tempo non se admitirá nin se terá en conta ningún escrito.
Para os expresados efectos, este anuncio, ademais da súa inserción nos diarios oficiais mencionados, será obxecto de exposición ó público no taboleiro de anuncios da Casa do Concello de Cuntis (Pontevedra).
Os que se consideren interesados terán, para os devanditos efectos informativos, á súa disposición, copia da petición e dos exemplares da documentación técnica e do estudio ambiental para que poidan ser examinados, nos días e horas habituais de oficina, nas seguintes dependencias administrativas:
-Proxectos das obras constitutivas do aproveitamento:
* Servicios centrais do Departamento de Xestión do Dominio Público Hidráulico de Augas de Galicia: praza de Camilo Díaz Valiño, s/n (edificio da estación de autobuses), 15781 Santiago de Compostela.
* Dirección Xeral de Calidade e Avaliación Medioambiental: r/ Os Feáns, 1-3, 15706 Santiago de Compostela.
-Estudio de efectos ambientais dos proxectos:
* Dirección Xeral de Calidade e Avaliación Medioambiental: r/ Os Feáns, 1-3, 15706 Santiago de Compostela.
* Delegación Provincial de Medio Ambiente de Pontevedra: rúa Nova de Abaixo, nº 2, 36071 Pontevedra.
* Concello de Cuntis: praza da Constitución, s/n, 36670 Cuntis (Pontevedra).
Santiago de Compostela, 7 de maio de 2001.
Agustín Hernández Fernández de Rojas
Presidente do organismo autónomo
Augas de Galicia
ANEXO
Relación de peticionarios
Peticionario e promotor: Técnicos Asociados Gallegos, S.A.
Enderezo: avda. da Habana, nº 5, 32003 Ourense.
Denominación do aproveitamento: Salto de Ermida, no río Umia.
* Os aspectos máis destacados son:
Obxecto: producción de enerxía eléctrica.
Caudal de deseño: 8.000 l/sg.
Corrente de derivación: río Umia (cota de coroación: 234 m).
Corrente de restitución: río Umia (cota de restitución: 181 m).
Desnivel (salto bruto): 53 m.
Altura máxima sobre o leito: 4 m.
Potencia xerador: 4.010 kVA (factor de potencia 0,85).
Termo municipal onde radica a toma e demais obras: Cuntis (Pontevedra).
* Breve descrición das características principais das obras e instalacións:
Azude.
O azude será de gravidade de planta recta cunha lonxitude de coroación de 41,5 m, dos que 23 m corresponden a un vertedoiro tipo Creager, coa previsión dunha escala de peixes. A cota de coroación é de 238,5 m e a cota de vertedura é de 234 m. Proxéctase a toma provista de reixa e seguida dunha cámara de sedimentación de dimensións 13,2x4x4 m. Xunto á cámara de sedimentación sitúase un vertedoiro de 5,56 m de lonxitude para desaugar caudais excedentarios.
Canle de derivación.
Consta dunha lonxitude de 1.450 m de sección transversal útil de 2,5 m de base x 2 m de altura, escavado en gabia e cunha pendente constante igual a un por mil.
Cámara de carga.
Existe unha cámara de carga, simple prolongación da canle, cun volume de 130 metros cúbicos, unha lonxitude de 13 metros, un largo de 4 metros e unha altura útil de 2,5 metros.
Tubaxe forzada.
Trátase dunha tubaxe de palastro, de sección circular de 1.600 mm de diámetro e 110 m de lonxitude, salvando o desnivel entre o cota 232,08 e a cota 181 m.
Central.
Situada na zona de Ermida, próxima a Cuntis, de dimensións en planta de 12,2 m x 6,5 m e de altura exterior de 6,55 m.
O aproveitamento hidroeléctrico proxéctase con dúas turbinas tipo Francis de eixe horizontal, axustadas a alternadores síncronos trifásicos de 2.005 kVA de potencia aparente e 6.000 V de tensión nominal, de velocidade nominal de 750 r.p.m. e de frecuencia de 50 hz.
Ademais, instálanse diversos equipos auxiliares (transformadores de intensidade, de tensión, elementos de protección, módulos de medida, mando e alimentación).
* Afeccións.
Efectúase a solicitude de declaración de utilidade pública do aproveitamento; os bens ou dereitos afectados polas obras e instalacións para os fins da nece-
saria expropiación forzosa son os que se indican a seguir cos seus propietarios:
(m)
Propietarios Cultivo Superficie
Muíño González, José Monte alto 245
Carracedo Pérez, Manuel Monte alto 185
Varela Hernández, Federico Monte alto 65
Novo Bustillo, Amalio Monte alto 96
Conde Conde, Felisa Monte alto 145
Conde Conde, Felisa Monte alto 615
Muíño Conde, Amador Monte alto 215
López Cortés, Enrique Monte alto 410
Araújo Gómez, Antonia Monte alto 123
Iglesias Lagos, Herminia Monte alto 652
Iglesias Lagos, Felipe Monte alto 415
Souto Hernando, José Miguel Monte alto 698
Rey Cela, Fco. Javier Monte alto 513
Pérez Vigil, Jaime Monte alto 326
Sánchez Pereira, Florencio Monte alto 852
Rodríguez Pérez, Edelmiro Monte alto 140
Rodríguez Pérez, Carlos Monte alto 125
Cortés Langa, Juan Alberto Monte alto 401
Torres Pérez, Manuel Monte alto 109
Jiménez Pallarés, Concepción Monte alto 846
Gómez Fraga, Asunción Monte alto 615
Osorio Girón, Juan José Monte alto 410
Gómez Fernández, José Manuel Monte alto 368
Gómez Fernández, María Luisa Monte alto 864
Almagro Buisan, Sonia Monte alto 724
Juanes Gómez, Sergio Monte alto 159
González Gutiérrez, Valerio Monte alto 642
Ramos Huidobro, Santiago Monte alto 1.220
Juanes Gómez, Sergio Monte alto 639
Osorio Girón, Juan José Monte alto 547
Sánchez Camino, José Luis Monte alto 263
Balerio López, Valeriano Monte alto 410
Ortiz Campos, Felipe Monte alto 225
Outeiro Iglesias, Arsenio Monte alto 320
* Estudio de efectos ambientais:
Este documento presentouse conforme a normativa aplicable.