O Pleno do Concello, en sesión do 26 de marzo de 2001, adoptou o seguinte acordo:

Primeiro.-Aprobar definitivamente o Plan parcial do Parque Tecnolóxico e Loxístico de Vigo, promovido polo Consorcio Zona Franca de Vigo, redactado pola entidade mercantil Interurbán, S.A. e asinado polo enxeñeiro director Roberto Aya Duarte (expediente 4959/411).

Segundo.-Desestimar, estimar parcialmente e estimar integramente as alegacións presentadas no trámite de información pública, no sentido recollido na parte expositiva do presente acordo e no informe municipal da oficina de planeamento do 29-1-2001 que se transcribe nos devanditos antecedentes, polos motivos detallados neste último.

Terceiro.-No proxecto de urbanización correspondente ó ámbito de referencia deberán resolverse definitamente as cuestións ambientais sinaladas no informe do 16-1-2001 do Departamento de Medio Ambiente do concello, así como a relativa á subministración de auga, resultando obrigado o CZFV á construcción dun depósito regulador. Tamén no devandito proxecto de urbanización deberá recollerse unha partida orzamentaria e detallada (por partidas específicas) sobre o custo das obras de execución dos aparcamentos públicos previstos no Plan parcial.

Cuarto.-Publica-lo presente acordo no DOG e no BOP, con notificación individualizada ós propietarios directamente afectados, na forma legal. Publica-la normativa e ordenanzas do Plan parcial no BOP. Remitir unha copia autenticada do expediente administrativo e de dous examplares do Plan parcial definitivamente aprobado ó conselleiro de Política Territorial, Obras Públicas e Vivenda da Xunta de Galicia.

Contra o devandito acordo, que pon fin á vía administrativa, poderá interpoñerse recurso contencioso-administrativo ante o Tribunal Superior de Xustiza de Galicia no prazo de dous meses contados a partir do día seguinte ó da publicación deste anuncio.

De conformidade co artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, por medio do presente anuncio, e publicación no taboleiro de edictos do concello, notifícase o acordo que nel se contén a tódolos propietarios que sexan descoñecidos, dos que se ignore o lugar da notificación ou ben, intentada esta, non se puidese practicar.

Vigo, 11 de abril de 2001.

Lois Pérez Castrillo

Alcalde presidente da Xerencia Municipal

de Urbanismo