A Orde do 1 de febreiro de 2001 (DOG do 6 de febreiro), pola que se aproban as bases que rexerán as convocatorias de axudas e bolsas correspondentes ás accións do programa de promoción xeral da investigación do Plan Galego de Investigación e Desenvolvemento e se procede a súa convocatoria, prevé no anexo II, a concesión de axudas para equipamento de infraestructura de investigación e bibliotecaria.

Na súa virtude, de acordo co establecido nas bases da convocatoria e atendendo ás dispoñibilidades de crédito e á proposta elaborada pola Comisión de Selección de Investigación, creada polo Decreto 37/1998, (DOG do 6 de febreiro) e orde da Consellería da Presidencia e Administración Pública do 12 de marzo de 2001 (DOG do 19 de marzo), esta consellería

RESOLVE:

Primeiro.-Concede-las axudas para equipamiento de infraestructura de investigación e bibliotecaria ós solicitantes que se citan nos anexos I e II desta resolución, na contía que se sinala.

Segundo.-De conformidade coas bases 5 e 6 da convocatoria, os beneficiarios destas axudas deberán presentar, antes do 30 de setembro de 2001, a documentación seguinte:

1. Factura acreditativa da adquisición do material financiado.

2. Declaración complementaria, realizada polo beneficiario do conxunto das axudas solicitadas, tanto aprobadas ou concedidas como as pendentes de resolución, para o mesmo material das distintas administracións públicas competentes ou dos seus organismos, entes ou sociedades.

3. Para as axudas superiores a 10.000.000 de pesetas xustificación documental na que conste de forma razoable e suficiente a realización da actividade subvencionada. A inobservancia dos beneficiarios de calquera dos requisitos establecidos na orde de convocatoria suporá a perda do dereito a percibi-la subvención correspondente.

Terceiro.-Informar favorablemente, de acordo coa proposta elaborada pola comisión, as solicitudes que se relacionan nos anexos III e IV desta resolución e que corresponden a centros e organismos dependentes da Xunta de Galicia.

A Secretaría Xeral de Investigación e Desenvolvemento procederá a efectua-las oportunas retencións de crédito polos importes concedidos ós ditos centros e organismos co obxecto de que as consellerías das que dependen poidan solicita-las ampliacións de crédito segundo o previsto no artigo 64.1º g) da Lei 1/1999, do 7 de outubro, polo que se aproba o texto refundido da Lei de réxime financeiro e orzamentario de Galicia que lle permitan a adquisición do correspondente material.

Cuarto.-Contra esta resolución poderán os interesados interpoñer potestativamente recurso de reposición ante o mesmo órgano no prazo dun mes contado a partir do día seguinte ó da publicación desta resolución no Diario Oficial de Galicia. De non estima-la interposición deste recurso, poderán interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir do día seguinte ó da publicación desta resolución no Diario Oficial de Galicia.

Disposición derradeira

Esta resolución entrará en vigor o día seguinte ó da súa publicación no Diario Oficial de Galicia.

Santiago de Compostela, 15 de maio de 2001.

P.D. (Orde 1-2-2001, DOG do 6 de febreiro)

Miguel A. Ríos Fernández

Secretario xeral de Investigación

e Desenvolvemento

ANEXO I

ANEXO II

ANEXO III

ANEXO IV