A Comisión de Goberno, na sesión do día 23 de abril de 2001, aprobou inicialmente o proxecto de compensación da unidade delimitada nos números 35 e 37 da rúa das Flores (Roxos-Villestro) e terreo anexo a esta, promovido por Bernardo Falcón Acha.
O ámbito de actuación está comprendido entre os seguintes lindes:
Norte: parcela rústica número 327 de concentración parcelaria, propiedade de José Capeáns Méndez.
Sur: parcelas rústicas de Manuel Rey Vilouta e Francisco Acuña García.
Leste: rúa das Flores.
Oeste: terreos de Daniel Vilouta Ríos, Manuel Vilouta Lago e outros e camiño público.
De conformidade co disposto nos artigos 44.3º e 102.4º da Lei 1/1997, do solo de Galicia, os expedientes sométense a información pública durante o prazo de vinte días, contado desde o día seguinte ó da publicación deste anuncio no Diario Oficial de Galicia. Durante este prazo, os interesados poderán consulta-los expedientes na sección de Planeamento e Xestión e formular por escrito as alegacións que xulguen oportunas.
Santiago de Compostela, 10 de maio de 2001.
Luís Toxo Ramallo
Concelleiro delegado de Urbanismo