A Comisión de Goberno, en sesión que tivo lugar o 4 de maio de 2001, adoptou, entre outros, o seguinte acordo:
Primeiro.-Aprobar inicialmente o proxecto de urbanización da vía paralela á avenida de Monserrat, tramo correspondente á parcela da Residencia Santa Teresa de Jornet, presentado pola Congregación Religiosa Hnas. Ancianos Desamparados.
Segundo.-Porceder á exposición pública do expediente, anunciándose así no DOG e nun xornal de maior circulación na provincia.
Terceiro.-Notificar ós promotores do documento.
O que se fai público para xeral coñecemento, co fin de que á vista do expediente se poidan formula-las alegacións que se consideren pertinentes durante o prazo dun mes, contado a partir do día seguinte ó da publicación deste anuncio no Diario Oficial de Galicia. O expediente pode consultarse na oficina de Planeamento do Servicio de Urbanismo, en horario laboral das 12 ás 14 horas, de luns a venres.
Os gastos desta publicación serán por conta do seu promotor.
A Coruña, 9 de maio de 2001.
Salvador Fernández Moreda
Concelleiro delegado de Urbanismo